بعض مرافقي المرضى يرفضون يبقى طفلهم الي عنده مشكلة تنفسية عالاوكسجين داخل المستشفى ظنا منهم انه اذا بقى عالاوكسجين راح يدمن عليه او بعبارة ثانية يتعود !
ماكو هيج شيء بالطب، احنا نخليه عالاوكسجين لانه محتاجه
ومن يتحسن نفسه راح نرفع عنه الاوكسجين
والاوكسجين مو مادة تسوي ادمان، بالعكس هو موجود بالهواء العادي وكلنا نتنفسه ، فرق الاوكسجين الي ننطيه للطفل هو تركيزه اكثر و انقى من هواء الغرفة
اكو حالات معدودة يبقى بيها الطفل على الاوكسجين لفترة طويلة وهي لمن تكون الرئتين متأذيات لدرجة الاوكسجين الي بالهواء مال الغرفة ميكفي الجسم
لازم نزيد تركيزه
—
د سلمان داود
مقيم اقدم اطفال
حساب التوعية على الانستاغرام
https://instagram.com/dr_salmand?igshid=qbd41hnknyb3
from د. سيف سمير البياتي