#تربية_الاطفال
خل احجيلكم سر،
بداية مشواري بالامومة، على اعتبار مجنت اعرف اي شي بالتربية ولا بالاطفال، جنت اقرا هواي وابحث هواي
وابذل كلشي ممكن في سبيل الطفل يكون مستقيم ومرتاح والامور تحت السيطرة
لكن كلما يكبر ويكبر، كامت تصير حوادث ومشاغبات ومعارك
وجنت كلش كلش انقهر واحس كل هذا الجهد مابي فايده 😅
بعدين طلعت مفتهمه الموضوع غلط هههههه
التربية الصحيحه ابدا لاتعني ان الطفل بعد مايغلط
التربية الصحيحه هو ان بكل مره يغلط تنطي فرصه ان يتعلم من خطأه شي جيد
يعني بالمختصر ، اخطاء الطفل هي الي تخلي يتربى
والطفل الي ميغلط هذا مو طفل 😅
طبعا ما انكر لحد الان اضوج من تصير مشاحنات ومشادات لكن افضل من قبل واحاول كل جهدي دائما اذكر نفسي ان هذا هو الصح ولازم يغلط 👍
مع مودتي 🌷
د.اسماء اسماعيل البدري