تسالني بعض الأخوات هنا
دكتور ابني هوايه يوكع عليه شي؟
على الرغم من أنه السؤال جوابه واضح انه اي عليه شي و ممكن يروح بيها اذا ضربه قويه او على شي حاد
بس راح احجي على الضربات اللي نوعا ما بسيطه
و اكيد حبيت اجاوب بدراسه علميه
شملت ١٠٠ الف طفل سويدي
ذوله ال ١٠٠ الف طفل تعرضوا لضربات خفيفه على راسهم
ولو حتى ضربه وحده بالعمر من كانوا اطفال
و تابعوا ذوله الاطفال إلى أن بلغوا
و جابوا اخوانهم اللي ما تعرضوا لضربه و قارنوا بين المجموعتين!
الأطفال اللي تعرضوا لضربه واحده بسيطه على الراس
كانوا عرضه بنسبه ١٠% للاصابه لأمراض نفسيه
و تكول الدراسه كلما كانت الضربه اقوى
و كلما كانت متكرره
و كلما كان العمر اكبر
كلما كان معدل الاصابه بالأمراض النفسيه أكثر و أكثر
لذلك دائما اخذوا حذركم على اولادكم
اكو أمراض نفسيه و عصبيه ما نكدر نستوعبها ممكن تصير باولادنا نتيجه السقطات و الضربات الاراديه و الغير اراديه
رابط الدراسه بالتعليقات
د. سيف سمير البياتي
اخصائي طب الأطفال
