#تغذية ♒حليبي خفيف 😓 من ابرز الشكاوى الي يقنعون بيها الام حته تبطل رضاعة طبيعية 🔼امهاتنا العزيزات هالشي تركيب طبيعي للحليب.. شوفوا الصورة جوة👇 عباره عن علبتين بيهم حليب من نفس الأم .. من نفس الصدر .. في نفس الرضعة😉 👈🏿 ١) الحليب الخفيف اللي لونه تقريبا على ازرق و شكلة مثل المي .. هذا الحليب اللي ينزل في اول الرضعة (اول ٥ دقايق) و اسمة foremilk ⁦⬅️⁩الحليب هذا وظيفته يمد الطفل بالسوائل اللي محتاجها جسمه (عرفتوا ليش نكول ماكو داعي للمي مدام يرضع طبيعي) 👈🏿 ٢) الحليب الكثيف اللي لونه تقريبا على اصفر و شكلة عبالك دهون .. هذا الحليب اللي بينزل في اخر الرضعة ((بعد اول ٥ دقايق)) و اسمه ال Hindmilk الحليب هذا وظيفتة انه يمد الجسم بالمغذيات و البروتينات الضرورية لجسمه..👶 📢ملاحظات مهمه بخصوص هالمعلومه: ١)الطفل لازم يبقى على صدر واحد لحد ما يفرغ .. ميصير نستعجل و نغير بسرعة 🔄 .. هيج حيرضع مي بس .. واذا بدلنا بسرعة رح تلاحظ الام بالخروج لون اخضر.. سببه أنه ما اكتفى بالرضعة لان بس مي وملحك يكمل. ٢) الطفل طبيعي انه احيانا يبجي 😭 بنص الرضعة .. و هذا لان بالبداية الحليب الخفيف ينزل له بسهولة بدون ما يضطر يسوي مجهود عكس الكثيف.. (يحتاج يبذل جهد حتى ينزل ) يعني مو نكول ها ماعندي حليب😶 فرغ صدري كام يبجي خل اجيب الممه 😅🤦 وتوقف الرضاعة .. خطأ.. انطي شوي صبر. ٣) لمن تريدي تعصري بالممه من صدرج .. لازم تعصري للاخير .. يعني حتى لو نزل كمية كافية .. المسألة مو بس في الكمية .. المهم النوع👌 #سلسلة_الرضاعة_اطبيعية د.اسماء اسماعيل البدري

#تغذية

♒حليبي خفيف 😓

من ابرز الشكاوى الي يقنعون بيها الام حته تبطل رضاعة طبيعية

🔼امهاتنا العزيزات هالشي تركيب طبيعي للحليب.. شوفوا الصورة جوة👇

عباره عن علبتين بيهم حليب من نفس الأم .. من نفس الصدر .. في نفس الرضعة😉

👈🏿 ١) الحليب الخفيف اللي لونه تقريبا على ازرق و شكلة مثل المي .. هذا الحليب اللي ينزل في اول الرضعة (اول ٥ دقايق) و اسمة foremilk

⁦⬅️⁩الحليب هذا وظيفته يمد الطفل بالسوائل اللي محتاجها جسمه (عرفتوا ليش نكول ماكو داعي للمي مدام يرضع طبيعي)

👈🏿 ٢) الحليب الكثيف اللي لونه تقريبا على اصفر و شكلة عبالك دهون .. هذا الحليب اللي بينزل في اخر الرضعة ((بعد اول ٥ دقايق)) و اسمه ال Hindmilk

الحليب هذا وظيفتة انه يمد الجسم بالمغذيات و البروتينات الضرورية لجسمه..👶

📢ملاحظات مهمه بخصوص هالمعلومه:
١)الطفل لازم يبقى على صدر واحد لحد ما يفرغ .. ميصير نستعجل و نغير بسرعة 🔄 .. هيج حيرضع مي بس .. واذا بدلنا بسرعة رح تلاحظ الام بالخروج لون اخضر.. سببه أنه ما اكتفى بالرضعة لان بس مي وملحك يكمل.

٢) الطفل طبيعي انه احيانا يبجي 😭 بنص الرضعة .. و هذا لان بالبداية الحليب الخفيف ينزل له بسهولة بدون ما يضطر يسوي مجهود عكس الكثيف.. (يحتاج يبذل جهد حتى ينزل ) يعني مو نكول ها ماعندي حليب😶 فرغ صدري كام يبجي خل اجيب الممه 😅🤦 وتوقف الرضاعة .. خطأ.. انطي شوي صبر.

٣) لمن تريدي تعصري بالممه من صدرج .. لازم تعصري للاخير .. يعني حتى لو نزل كمية كافية .. المسألة مو بس في الكمية .. المهم النوع👌

#سلسلة_الرضاعة_اطبيعية

د.اسماء اسماعيل البدري