تكول هذه الام :
اني انجبت طفلتي الاولى عرفت بعدها انه هاهيه اني اكتفيت من الاطفال
طبعا المقال طويل جدا و اختصرت بيه الاسباب اللي خلتها تاخذ هذا القرار
تكول الام و بعد ان صار عمر طفلتي سنتين بدت التساؤلات تزيد
و شوكت تجيبين اخت او اخ لبنتك
ما تريدين لبنتك اخت او اخ تعتمد عليها
تكمل الام و تكول هذه هي اسبابي لان تكون طفلتي الاولى هي الوحيده اللي راح انجبها
١. اني و الاب عدنا دوام كامل بوقت كامل و مع الطفله يادوب يكون عدنا ساعه وحده نشوف بيها موبايلاتنا و نروح بكل تعب حتى ننام و نرتاح
٢. من ما انام الامور راح تزيد سوءا و اني ما مستعده ابدا لكميه سهر اخرى
٣. عندي عائله و حياه خاصه و يهمني جدا اتواصل و ازور اهلي و والدتي و والدي و امارس حياتي و هواياتي
٤. ما عندي مجال تنلاص عليه الامور
لان الكثير من العائلات من جاهم الطفل الاول كان هاديء و حباب مما جعلهم يفكرون بانجاب الثاني اللي طلع صعب التربيه جدا
٥. المصاريف المصاريف
و هنا لازم نذكر انه بالخارج يجمعون للطفله من اول ايام ولادتها قسطها الجامعي حتى تلتحق بكليه مرموقه
٦. احلم بطلعه عائليه او سفره عائليه
و انت شنو رايك بهذا القرار ؟
كم ام معانا ماخذه هذا القرار ؟
د. سيف سمير البياتي
اخصائي طب الاطفال
