توعية طبية
حجي اجى على عيادة احدى المنظمات متأخر على موعده
كلتله حجي ليش متأخر كال دكتور رحت على واحد رجعني عالحب بدل الانسولين
اشو وضعيتي تخربطت و حسيت نفسي مو زين
رجعتلكم ركض .. انتو من انطيتوني الانسولين صرت نگرة سلف
يقصد مثل السيارة بس تفر سويچها تشتغل
الحجي بفطرته السليمة عرف انه الانسولين هو المفيد لصحته
واكو ناس بعلمهم وبعدهم مصرين ويؤمنون انه الانسولين مضر
الانسولين مو مضر
الانسولين علاج آمن جدا و اختراعه كان ثورة في عالم الطب انقذت البشرية من الموت
مرضى السكر من النوع الاول قبل الانسولين كانوا يخلوهم بلا اكلات سكرية لمدة شهرين ويتوفون لحد ما اجى الانسولين وانقذ حياتهم
مرضى السكر من النوع الثاني اذا ما منتظم راح يجي يوم جسمهم يحتاج الانسولين حتى يكون هو المنقذ
الي يخلي الناس تعتقد انه الانسولين مضر هو العناد الي يخلي مريض السكر ميقبل بالانسولين لحد ما ينتهي جسمه يلا يخضع للامر الواقع
فلمن جسمه يكون انتهى اصلا ويصيرله شيء
الناس متكول لانه جان معاند مياخذ انسولين والسكر قتله
الناس تكول الانسولين سوا بيه هيج!!
مثل السمچ مأكول مذموم
لازم المريض يعرف انه ما راح يصير مدمن عالانسولين …انما جسمه وصل مرحلة لازم يحتاج الانسولين
الانسولين ما يسوي ادمان
——
حساب التوعية على الانستاغرام
https://instagram.com/dr_salmand?igshid=qbd41hnknyb3
د. سلمان داود
مقيم اقدم اطفال
