خلوا الأمهات الجدد يعيشون بسلام
– لا تعتبون عالحامل انه كل شوية تتعامل وياكم بمزاج مختلف خصوصا بالاشهر الأخيرة، ترى حياتها بقلق و خوف و تحس ب أي لحظة ممكن تفقد طفلها.
– لا تحكمون على نظافة بيت ام جابت طفلها قبل كم يوم و طفلها يريد منها ٢٤ ساعة تكون وياه، وين تلحك تنظف البيت!
– لا تسألون ام جابت طفل او حامل ليش لحد هسة سمينة؟ ليش لحد هسة ما ولدتي؟ عبالك بيدها وقت الولادة.
– لما تعرفين انه فلانة صارلها طفل، تمني لها الخير و لا تكعدين تنصحيها و تعلميها اذا ما سألتك، احيانا الإنسان من كثر النصائح يمل ياهو اليجي ينصحه و يشرحله وهو تلكين باله مشغول بغير امور.
– الحمل والولادة وتربية الطفل امور جدا صعبة، ماكو شي اسمه انتي مو اول ولا اخر وحدة تجيب طفل! تستخدمون هالجملة حتى تكولون للام لا تخبصين الدنيا! حقها تخبص الدنيا وترتبك و تقلق. كل ام يصيرلها طفل، تختلف تماما عن غير ام، لان ماكو طفل يشبه طفل، كل طفل الة شخصيته و مشاكله وحياته المميزة.
خلوهم يعيشون بسلام
كفانا حشرا للانوف في حياة المتزوجين والاباء والامهات الجدد
الاب والام يحتارون يسمعون كلام الجدة لو العمة لو الخالة لو ام فلان جارتهم! وكل وحدة الها رأي يناقض الرأي الثاني
.
.
حساب التوعية على الانستاغرام
https://instagram.com/dr_salmand?igshid=qbd41hnknyb3
د. سلمان داود
مقيم اقدم اطفال
