خلونا نحجي علم شويه
و نشوف شون التوصيات تختلف
و شون العلم يتطور
اكو جمعيه اسمها
ESPGHAN
اللي هو مختصر
European society of pediatric gastroentrology, hepatology and nutrition
اللي ترجمته للعربيه هو الجمعيه الاوربيه لامراض الجهاز الهضمي و الكبد و التغذيه للاطفال
هذه الجمعية نشرت بسنه ٢٠٠٨ توصيات
تكول بيها انه الحنطه ( خبز صمون او بسكت )
ما المفروض تنطي قبل ٤ اشهر او تتاخر لحد بعد ٧ اشهر
هذا الكلام قديم
سنه ٢٠٠٨ مثل ما تشوفون
يعني قبل ١٢ سنه
و من ١٢ سنه بدت الدراسات تشوف شنو العلاقه بين ادخال الحنطه و تطور داء الحنطه
و اخيرا بسنه ٢٠١٦
تراجعت عن رايها و كالت ماكو اي دليل علمي انه تقديم او تاخير اعطاء الحنطه راح يؤثر على داء الحنطه او يسببه
كون السبب اله علاقه بالجينات
لذلك ماكو سبب ياخر انه ندخل الحنطه
و يضحكني بعض الاراء انه هي تنطي بسكت للطفل بس ما تنطي خبز او صمون للاطفال لان يسوي عنده تعفن !!!
زين و البسكت ؟
على كل نرجع للي اوصيكم بيه دائما
ما يصير الحنطه اول شي
اول الحبوب هي الرز
و ثانيها الشوفان
و اخيرها الحنطه
اذا قارين او بدول عدكم الجادوار و الكينوا موجود فهو كذلك يعطى قبل الحنطه !!
الف عافيه الكم و لاطفالكم
و ما عليك بالكلام مال عفونه و تعفن و كذا
محد يفتهم بكد ESPGHAN بهذا الموضوع
د. سيف سمير البياتي
اخصائي طب الاطفال
