ولذلك كتبت هالمنشور حتى اي حامل وتدخن تفكر الف مرة قبل ما تدخن جيكارة اللاخ.
التدخین (جگایر او نرگیلة) والحمل
کل جگارە تدخنها الحامل تضر الجنين.
الجگاير تقلل من الاوكسجين اللي يوصل للجنين، بحيث يضطر قلب الجنين أن يشتغل بقوة أكثر حتى يوصل كمية أكبر من الاوكسجين.
بالاضافة الى أنه الجگاير تحتوي على 4000 من المواد الكيميائية.
لذلك هسه احسن من باجر علمود تبطلين تدخين .
شراح يصير اذا بطلتي تدخين؟؟
راح يقل الغثيان المصاحب للحمل وتقل مضاعفات الحمل.
راح تكملين حمل اكثر صحة ة طفل اكثر صحة.
راح تقللين من مخاطر موت الجنين داخل الرحم.
راح تقللين من مخاطر مضاعفات الولادة الج و لطفلج.
راح تقللين من احتمال ولادة طفلج قبل ما تكمل مدة الحمل الطبيعية (الخدج)
راح تقللين من مخاطر انه طفلج ينولد بوزن قليل و يكون معرض اكثر للأمراض والعدوى.
راح تقللين من احتمالية انه طفلج يكون بالمستقبل عنده امراض مزمنة مثل الربو.
اذا زوجج يدخن او اي شخص اخر ديعيش وياكم ديدخنو راح ياثر على صحتج وصحة طفلج قبل وبعد الولادة هم.
د. سوران حسن زنكنة
طبيب اختصاصي باطنية ( الأمراض القلبية و الصدرية والجهاز الهضمي والغدد )
صفحاتي عالسوشيال ميديا تلقوها بالتعليقات.