راح اطلعكم على سر
شون حافظت على صحه اولادي باول سنه و ما تمرضوا الا قليلا
اولا الرضاعة الطبيعية اللي تحمي بسبب وجود الاجسام المضادة
ثانيا ماكو جكاير ابدا
صحيح السيد الوالد يدخن بس يحرص كل الحرص انه ما يشيلهم الا و هو لابس ملابس ما مدخن بيها بحيث ما بيها اي اثر للجكاير
ثالثا ماكو بوس من الفم ابدا و لا حتى من الخد
رابعا بدينا نوكلهم بعمر ٤ اشهر
و كثرنا الخضروات و الفواكه و اهمهم كلهم اللحم و البقوليات و كنا نحرص على التنويع الغذائي
خامسا ما نطلع بره لمناطق مغلقه باول سنه
اقصد بيها كمطاعم و مولات
فقط مناطق مفتوحه مثل الزوراء و الحدايق
سادسا من احد يتمرض بالبيت يركز على موضوع غسل اليدين كثيرا
سابعا كوني اداوم مستشفى و مستشفى اطفال كنت ابدل ملابسي و اغسل ايدي هوايه قبل ما اشيلهم و اني راجع من دوامي
ثامنا صديقنا كان التعقيم ( الهايجين ) و بالاخص اول شهر
تاسعا الطلعه خارج المنزل حيويه و تزيد المناعه
عاشرا اللقاحات كنا نلتزم بيها و بموعدها و نؤمن انه تبعد عنهم الامراض
اخر شي النوم
نحرص كل الحرص انه ينامون لفترات طويلة حتى يتعزز نظام المناعه عدهم
و نحرص اكثر على اخفات الضوء ليلا حتى تكون النومه عميقه
ماكو شي ما اغسله لان يتمرض
كانوا يغسلون مرتين شتاءا بالاسبوع
و بين يوم و اخر صيفا
اذا ماكو انفلونزا او سعال و رشح بالبيت ما يتمرض الطفل بعد الحمام ابدا
اكمل القصه
من بدوا يتعرضون للمجتمع و الحضانات و الروضات و المدارس بدوا يتمرضون اكثر و اكثر
مختصر مفيد : من السهل دائما انه تحافظ على الطفل باول سنه من المرض ببساطه انه تقلل من عدد تعرضاته للاخرين و تحرص على ترك الجكارة و تركزين على موضوع غسل اليدين و ترضعين طبيعي و بس
د. سيف سمير البياتي
اخصائي طب الاطفال
