راح يجي الصيف
و راح تزداد حالات اليرقان الولادي ( ابو صفار )
ليش يزيد بالصيف ؟
لان الحبوبات يكولن مو زين ابن نفاس يتعرض للهوا لان كان مدفون بالبطن مدري شمسوي بالبطن
و الطفل يصير بيه جفاف
و يزداد اليرقان اكثر لان تركيز الدم يصير اكثر
و حليب الام قليل باول ايام
عبالكم تخلص الجريمه هنا؟
لا طبعا
يخلون للطفل ثوم و يسووه طرشي محطوط عليه ثوم
و بعدين يفكسون عينه بالشمعه اللي هي اصلا ما تكسر جزيئات ابو صفار و لا الها علاقه
و عبالكم يكتفون؟
لا تجي و تلطعه دبس مدري عسل
و يصير بيه انسداد امعاء و يتقيء و هنا طبعا ما تكول اني وكلته دبس
مثل فد يوم جابوا حديث ولاده يتقيء اني دا اسويله غسل معده المحلول اللي يطلع ابيض و اسود
كلتله يمه شناطيته؟
و الله دكتور ماكو شي سلامتك !!
يمه دا اعترفي شو المغذي يلزك و عبالك دبق حتى افتهم شاسوي ؟
همممم اي دكتور انطيته دبس و هو حبه و وكلته ملعقتين
همممم اكيد ملعقتين؟
لا دكتور شويه اكثر!!!
شويه؟
لا دكتور هو حب الدبس و لما بطل يلا بطلت انطيه !
نرجع لموضوعنا
حديث الولاده ( ابن النفاس ) كائن حي حاله من حالنا يعيش بجو مناسب لا للاغطيه المبالغ بيها لا للحر
الصورة الها علاقه بالبوست
#بوست_مبكر
#الصيف_اجه
#لا_ما_اسكت
