#ستة_اشياء_لاتسويها ابد مدام طفلج بعمر دون السنه
ثالثا: لاتعرضين طفلج للتلفاز أو الشاشات لاي سبب ولاي عذر، هذا خطأ كبير والثمن باهض جدا جدا
طبعا شرحنا الموضوع بالتفصيل بهاشتاك #التلفزيون_والطفل
واليوم نرجع نلخص،
⁉️السؤال يكول ليش شحيصير اذا شاف تلفزيون ؟
الجواب: عقل الطفل في السنه الاولى يحتاج إلى تفاعل حي ، وليس شاشات،
يحتاج الى مشاعر ، دفئ، حب ..
حركه
حضن
قبلات
يحتاج يتلمس محيطه,
يحتاج يحبو
يحتاج يلزم الاشياء، يحمل الاشياء ، ينقل الاشياء ..
يحس بالهواء على جسمه
يحس بإحساس السباحه والطوفان
وغيرها الكثير ..
كل هاي مو كماليات هاي ركائن اساسيه لنمو عقل الطفل
اذا هاي الفتره الذهبيه كضاها أمام الشاشه ، ولساعات طويله،
هالشي حيؤدي إلى خلل في نمو الدماغ الطبيعي ..
حيصير خلل
وحسب كل طفل الخلل وين يصير
⚠️اكو تلكاه يتاخر بالنطق والمشي
⚠️اكو تلكاه متلبد الاحساس (ماعنده مشاعر)
⚠️أو العكس مرهف الاحساس (حساس جدا بشكل مفرط)
⚠️اكو تلكاه ميكدر يتواصل وي اي شخص (ماعنده قدره على الكلام مع الناس)
⚠️اكو تلكاه اوكي يحجي ويمشي ويتواصل لكن مهاراته اليدويه معدومه تماما.. وضعيفه جدا..
◀️وللاسف هالشي الأهل ميدرون بي ولا يعيروله اهتمام,
على اعتبار هو اصلا “كطفل” ميسوي اي شي بالبيت !!
👩الام توكل
وتلبس
وتغسل
وتنوم … وهو مجرد (دميه)
الصدمه حتصير من يدخل المدرسه🏫 ، وميكدر يلزم القلم ولا يكدر يكتب حتى لو شديت القلم بيده !
لان ايده عضلاتها الدقيقه (وهي من العضلات المعقده) غير متمرنه !!
وهنا من تكتشف الخلل … امهر الاخصائيين واغلى العلاجات محتكدر ترجعه مثل ماجان تماما… الا بعد فتره طوووويله من العلاج المكثف ! قد تنفع وقد لاتنفع!
فيا امنا العزيزه ويا ابونا العزيز
خافوا الله باطفالكم،
خلوهم ينمون بشكل طبيعي ..
افسحوا المجال لعقلهم حتى ينمو مثل ما رب العالمين خلقه
قال تعالى : ” ولقد خلقنا الإنسان في احسن تقويم”
الشاشات محتنطي فرصه ينمو
الشاشات ممنوعه تماما قبل عمر ١٨ شهر .. منعا باتا
لايوجد اي استثناء
الشاشات ممنوعه
الشاشات ممنوعه
ماكو ولا طفل على وجه الارض تعرض لشاشات وهو دون السنه وبشكل مكثف ومصار بي شي …
صار وهواي اشياء بس للاسف مو الكل يدري ولا الكل يعرف
اللهم هل بلغت … اللهم فاشهد 🌹
د.اسماء اسماعيل البدري
