#ستة_اشياء_لاتسويها ابد مدام طفلج بعمر دون السنه
خامسا: لتكولين دا ادلله وحيفسد.. دللي ودللي واحضني وبوسي وشيلي وحضني وعبري عن مشاعرج بكل قوه .
يعني صراحه اشتغربت بشده من شفت اكو فعلا هيج تفكير!
طفل حديث ولادة اكو يتجنبون يشيلوه ويحضنوه تحت ذريعة لايتعود!!
يا امنا يا عزيزة الطفل هذا جزء منج .. قطعه منج.. وظل ببطنج ٩ اشهر
طبيعي يريدج
طبيعي يخاف وحده
هذا حقه، مثل ما حقه يرضع وتتبدل حفاظته
وهذا واجبج، مثل ما واجبج تقدمين الرعايه والغذاء والعنايه
حضنج وتقبيلج اله مو رفاهيه ولا كماليات
هاي اساسيات حتى يطلع طفل سليم
هاي حاجات رب العالمين خلقها بالطفل .. اذا متشبعت تطلع على شكل امراض (نفسيه / جسديه)
وعوفج من حاجه الطفل ، انتي ماعندج حاجه بحضنه؟
حضني وبوسي وشمي! تعبتي بي شهور … متردين تحسين بثمره تعبج؟
متردين تستشعرين نعمه الله ومعجزته؟
الطفل ميفسد والله ميفسد
بالعكس يصير مستقر نفسيا ناضج ذكي نبه سعيد حنين ♥️
أما شلون أعلمه الصح والغلط، وشوكت؟
كلها شرحناها ببوست #قوانين_التربية_الاولى
ضمن سلسلة #التربية
قدم اناس من الأعراب على رسول الله ﷺ، فقالوا: أتقبلون صبيانكم؟، فقال: نعم، فقالوا: لكنا والله ما نقبل، فقال رسول الله ﷺ: وأملكُ إن كان الله نزع منكم الرحمة؟
يعني كال له النبي شبيدي عليك اذا كلبك صخر مابي رحمه!
قبّل رسول الله ﷺ الحسن بن علي وعنده الأقرع بن حابس التميمي جالسًا، فقال الأقرع: إن لي عشرة من الولد ما قبّلت منهم أحدًا، فنظر إليه رسول الله ﷺ ثم قال: من لا يَرحم لا يُرحم.
والحديث واضح..
من لايرحم.. لايرحم
د.اسماء اسماعيل البدري
