#سلسلة_نوم_الاطفال
بعنوان : وسيلة النوم 💤
الطفل👼 في سبيل ينام😴 يحتاج وسيلة تساعده حته ينتقل الى النوم..
لتقريب الفكره لنفرض أنه احنا بالبيت 🏡ونريد نطلع للسوك🛒، لازم تختار وسيلة تخلينا ننتقل من البيت الى السوق، يا اما سياره 🚕🚗او نمشي🚶♂️ أو بايسكل🚲 أو اي وسيله لخ تساعدنا أن ننتقل ..
الطفل بعمر صغير(بشكل عام) ميعرف ينتقل من مرحله الوعي🤓 الى النوم😴 بوحده، يحتاج وسيله يعتمد عليها تخلي ينتقل 🛤️ الى النوم..💤
⚠️شنو هاي الوسائل؟🧐
الوسيلة الطبيعية الفطريه الي الله سبحانه وتعالى خلقها هي الرضاعة الطبيعية،🤱 والرضاعة الطبيعية تعتبر وسيلة نوم مثاليه تجمع الحواس الخمس 5️⃣بجو من الحب والاطمئنان (التذوق👅،اللمس✋،الشم👃،النظر👀،السمع👂)
عمليه المص بحد ذاتها تهدأ الطفل وترخي وتخلي يبذل جهد، وتخلي ينتقل الى النوم بسهوله .. اضافه الى سماع صوت نبض قلب الام💓 الي اعتاده طول فتره الحمل 🤰، تلمس صدرها، شم رائحتها❤️
واذا متوفرت قد يطالب بالهز أو بالشيل أو الكماط لمحاكاة وضعه أثناء الحمل في رحم أمه، (مكان محصور بي مثل الحضن او الكماط. وحركه الام اثناء التنقل يستشعرها بالهز )
خصوصا high need baby 🐥
ومن خلال هاي الوسيلة نكدر نستنبط وسائل أخرى تساعدنا ، وطبعا تعتمد بشكل مباشر على الحواس؛
ولذلك ممكن نعتبرها انواع و نقسمها الى :
◀️ الوسيلة التي تعتمد على حاسه التذوق👅 أو المص:
الي تشمل
🔸الرضاعة الطبيعية🤱
🔸ممكن الملهيه الي تحاول أن تحاكي الاسترخاء الي يصير بالرضاعة،
🔸 ممكن الممه، 🍼
🔸 ممكن اصبع الطفل أو ايده 🤙
🔸 أو مص جزء من فراشه🛏️
◀️حاسه اللمس✋:
🔸مثلا يتلمس صدر امه
🔸يتلمس شعرها💁
🔸يتلمس ايدها👐
🔸يتلمس المخده
🔸البطانيه مالته
🔸طبطبه على ظهره أو مساج خفيف
🔸الدبدوب أو اي لعبه يتلمسها🐨🐻
◀️حاسه السمع👂
🔸صوت نبض قلب الام💓
🔸تهويده أو اغنية بصوت الام🔊🗣️
🔸موسيقى معينه، اغنية معينه🎶
🔸ضوضاء بيضاء🌪️
◀️حاسه الشم👃
🔸ريحه الام👧
🔸ريحه الفراش 🛏️
🔸ريحه الدبدوب أو اللعبه🐻🐨
🔸او اي ريحه أخرى تتوفر🎶
◀️حسه البصر👀
🔸اضاءه خافته💡
🔸او اضاءه بلون معين🚦
⚠️اوك.صارت عدنا فكره عنهم.. شلون نختار الوسيلة المناسبه؟🤔
ماكو قانون لكن لازم نراعي بعض الأمور .. الي هي
1️⃣نكدر ننقلها خارج المنزل في حال السفر🚂✈️ أو الطلعات🚚(يعني منخلي وسيله النوم مخده شكبرها لو بطانيه اطول من الطفل ونحير بعدين😂)
2️⃣متوفره نكدر نجيب مثلها بالضبط في حال ضاعت أو تلفت (مو نختار دبوب🐨 جاي من باريس🗼 وبعدين وره ميتعود عليه يضيعه في مكان ما ونكوم وراها ندك ونلطم🙆 ويسهرنا ايام وليالي) 🤣
3️⃣في حال الام👩 ممكن تنشغل لازم الوسيله تكون غير مرتبطه بيها.. (يعني مو نعوده يلزم ايدها ✊وهي عدها شغل خارج المنزل لفترات طويله⏰)
📣مع الإنتباه أن نوم الطفل على صدر امه🤱 واعتياده عليه مو غلط ولا مشكله.. لكن هالعاده يجب أن تتغير في مرحله ما ضمن تطور الطفل الطبيعي..
وكذلك اي وسيلة أخرى اذا جان الكل مرتاح ماله داعي تتغير، لكن قد نحتاج تتغير لأسباب:
١. ⏪في حال كان هالشي غير متوفر.. (الام لاتتوفر طول اليوم)
٢.⏪في مرحله الفطام اكيد حته يسهل على الام والطفل
٣.⏪في حال كانت هاي الوسيلة تسبب مشكلة سواء للام أو الطفل، مثلا:
🔺الام ممرتاحه.😣
🔺 الام تبقى شايلتة وتفتر وينكسر ظهرها😖
🔺 الطفل غير مرتاح مثلا يرضع وهو شبعان بس نعسان وبالتالي يشرب فوق حاجته ويتقيأ🤮 والام تعبانه من هيج وضع.😵
🔺 استخدام الممه🍼 كوسيلة نوم بعد عمر بزوغ الأسنان سيودي الى مشاكل التسوس
🔺 استخدام الملهيه أو اصبع الطفل 🤙بعمر كبير فوق سنه ونص سيؤدي إلى مشاكل نمو الفك وترتيب الاسنان
⚠️زين حاليا عدنا وحده من هاي المشاكل أو حان الوقت حته نغير الوسيلة شنسوي؟🤔
❇️❇️❇️المرحلة الأولى❇️❇️❇️:
ربط الوسيلة الجديدة⛓️:
هاي المرحله نستمر على نفس النمط القديم دون أي تغيير بي مجرد ندخل الوسيلة الجديدة الي اختاريناها
أمثلة:
✴️ الطفل يرضع طبيعي🤱 ونريد نخلي الوسيله الجديده ينام وي دبدوب معين🐨 ، نختار الدبدوب المناسب والي يكون محبب للطفل الى حد ما وكلما يريد يرضع نحشره بين الام والطفل.. والام تحاول تخلي الدب 🐨على جسمها حته ياخذ شوي من ريحتها،
✴️ او يشرب ممه🍼 ونريد ينام ع ريحه معينه.. نحط عطر معين (أمن وعشبي) مثل لافندر بالغرفه أو على الممه (مسحه) ونخلي يشرب مثل ما معتاد
او نريد ندخل موسيقى🎶 معينه نفتحها وي كل مره الطفل يحاول ينام بوسيلته..
كبدايه نختار شي واحد☝️ مو نخبص الدنيا (دب وعطر لافندر وموسيقى ) 🤣شي واحد كافي كبدايه.
وينام الطفل مثل ماهو معتاد على وسيلتة القديمه وتبقي الوسيلة الجديدة في تماس مباشر مع حواس الطفل، يعني اذا دب نحاول نخلي الطفل يلمسه، اذا عطر يبقى ريحته بالجو، اذا موسيقى او تهويدة تبقى مسموعه بصوت خافت
تستمر هاي المرحله اقل شي اسبوع، 📅
❇️❇️❇️ المرحلة الثانية❇️❇️❇️:
تعزيز الوسيلة الجديدة:
نخلي الطفل بالاجواء الي اتفقنا عليها والوسيلة الجديده موجودة .. من ينعس الطفل كلش نسحب الوسيلة القديمه ونخلي يغفى على الوسيلة الجديده💤
اذا نعوص، شوي ننطي صبر ، لكن مو يتحول الى بكاء هستيري😭.. معناها مسوينا شي..
اذا تهستر نرجع للمرحلة الاولى ☝️ونضيف وسائل اخرى يعني مثلا اذا بس جان دب او لعبة 🐨نضيف عطر وياه أو موسيقى وناجل المرحلة الثانية،
إلى أن يكون مستعد ويغفى على الوسيلة الجديدة بدون بكاء ،
تستمر هاي المرحلة بحدود ٥ ايام اقل شي..
(يبدي ينعس ع وسيلته القديمه ويغفى ع وسيلتة الجديده)
مثال:
✴️طفل متعود ينام ع الملهيه بالمرحلة الأولى خلينا كلما ينام يسمع اغنيه نوم معينه او تهويده ، بهاي المرحله نفتح التهويده وي الملهيه ونراقبه من يبدي يغفي نسحبها ونخلي ينام على صوت التهويده فقط .
❇️❇️❇️المرحلة الثالثة❇️❇️❇️:
ماكو بعد الوسيلة القديمه راسا ع الوسيلة الجديدة لكن نحتاج اول فتره أن يكون نعسان😪 كلشش.. يعني نحاول نطلعه ونلعبه ونجي نحطه وي وسيلتة الجديده حته يسهل عليه التكيف اسرع.. 👍
مثال:
✴️الوسيلة الجديدة الدبدوب🐨 الي ارتبط وياه وتعزز بالمراحل السابقه نجي نحطه وي الطفل وينام وياه مباشره
وانتهى.
ملاحظات مهمه:
8️⃣في حال تغيير الوسيلة مرتبط بالتغذية (رضاعة صناعيه أو طبيعية) لازم نكون متأكدين أن الطفل دياكل زين ويأخذ كفايته من الاكل ومو ديرضع لان جوعان
2️⃣مو كل الأطفال بحاجه لهاي الخطوات.. يعني اكو كلش سهلين همه يلكون وسائلهم الخاصه، نلكاه هو لحاله تعلق بلعبه أو بطانيه،
3️⃣الاطفال ذو الحاجات العاليه🐥 بصعوبه جدا ينفصل عن الرضاعة لذلك ممكن نحول الوسائل اكثر من مره، الاولى من الرضاعة الى الهز، لان الهز يتقبلوه اكثر شي. ومن الهز نحول لوسيلة لخ على نفس المراحل الي ذكرتها.
4️⃣وايضا مو شرط يتقبلها الطفل ماكو قانون بهاي الأمور
5️⃣اذا عمر الطفل مناسب ويفتهم ايضا مو شرط نسوي هالاشياء مجرد نحجي وياه وممكن يكدر ينام بسهوله
6️⃣الاطفال من النوع السهل والي يرغبون الأهل أن يفصلوهم بسريرهم أو غرفتهم ،، ينصحون البدء بي بعمر قبل الزحف والمشي ، مع مراعاة مراقبتهم اكيد سواء صوت وصوره أو اي وسيلة
7️⃣ الوسيلة الجديدة تطلع وقت النوم فقط.. بليل.. 🌃يعني مو الدبدوب أو البطانيه النهار كله شايلها ويفتر، أو العطر المخصص كلساع بالجو.. لازم يرتبط بالنوم فقط حته نحصل نتيجة
8️⃣الهدوء والصبر … ميحتاج اشرح اكثر من هالكلمتين 😂
9️⃣ هاي الطريقة اسمها طريقة سارة اوكويل.. للي يريد يبحث عنها اكثر
0️⃣1️⃣هاي الطريقة لطيفه وجميله وتدريجيه وتراعي شعور الطفل ومابيها جبر وبجي وتوتر..
د.اسماء اسماعيل البدري
