شاب عنده اعراض كورونا ( گحة وصخونة و تعرق غزير و الم بالجسد والخ يعني كلهن لدرجة بلا تحليل تكول هذا مصاب )
يدخل للمستشفى لابس كمامة يوكف بعيد عن الناس و الازدحام
يكول لشخص بلغ الطبيب انه اكو حالة اشتباه كورونا
اجينا لكيناه واكف بعيد عن الناس وصاد عالحايط !
الشاب منتسب وية القوات الأمنية كان يكدر يفوت للطوارىء وبنص الازدحام لكن اخلاقه منعته
تحية حب و تقدير واحترام لهذا البطل الي يخاف عالناس و تصرف بحكمة و ذكاء
كلش اثر بينا هالتصرف المحترم
وهذا مثال حي للانسانية انه انت تخاف على الناس مثل خوفك على امك وابوك
بينما هواية ناس غيره تشوفه يفوت للطوارىء بلا كمامة يكحكح
و يدافع الناس ويخفي اعراضه وميكول اني ملامس لشخص مصاب
ورة كومة اختلاط وتلامس يلا يحجي ويكول انه ملامس وتاليها يطلع مصاب !
شتان بين الاثنين
حساب التوعية على الانستغرام
https://instagram.com/dr_salmand?igshid=qbd41hnknyb3
د سلمان داود
طبيب تدرج
