شكد لازم ياخذ الطفل سكر مضاف؟
الطفل من عمر ٢ سنة الى ١٨ سنه لازم بالزايد ياخذ ٢٥ غرام سكر
اللي يعادل 6 ملاعق
اكيد راح تكولون شدعوه منو يخلي 6 ملاعق !
بس انتوا ما حسبتوا شكد موجود سكر مخفي محد يدري بيه باكلهم و شربهم الصناعي !
الصوره تحت من امريكا
موجوده بكل مراكزهم الصحيه هناك
علبه الكوكا كولا بيها ٣٩ غرام سكر
يعني ما معناه الطفل يومين يحتاج يلا يصرف هذه العلبه !
اني من اكول المصاصه تسد شهيه الطفل ٣ ايام هذا قصدي بيها !
انتبهوا لاكلهم و لسكرهم الخفي
زين شدعوه دكتور خلي يكبرون هو عمر لو عمرين؟
اختي الكريمه
السكر الزايد يتحول الى دهون ثلاثيه تترسب على جدران الاوعيه الدمويه بالقلب
و هذا يفسر سبب الاصابات الكبيره جدا بالجلطات و الذبحات القلبيه باعمار الثلاثين و الاربعين
ادوا الامانه لما يوصل 18 سنة
وراها هو يختار طريقة اكله و معاشه و يكون مسؤول عن نفسه
د. سيف سمير البياتي اخصائي طب الاطفال
