شنو الفيتامينات اللي ضروري الطفل ياخذها
اكتبوهن يا جماعه
@ فيتامين k ابره عضلي
باول ساعه بعد الولاده
هذا الفيتامين هو المسؤول عن صناعه العوامل اللي تمنع النزيف و اللي مع الاسف الطفل ما يكدر يصنعه و الحليب ما بيه بكميه كبيره
ما اخذه باول ساعه
ممكن ياخذه بعدين عادي
بس اول ساعه هو المطلوب
عضلي بالفخذ مثل اللقاح
اكو منه جرع فمويه
عمر طفلي اسبوع او اكثر يفيد ؟
لا و الله ما يفيد كلش و الخطر عبره و بعد تقل الاحتماليه جدا للنزف
فعبر الخطر اطمئني
احيانا ممكن يعطى فموي
و الافضل طبعا عضلي خلال اول ساعه
هذا الفيتامين يمنع النزف
و الحمد لله من زمن بعيد شفت اخر حاله
لان كنت اشوفها اسبوعيا قبل و اكثرهم لحالات نزف بالدماغ
المهم نذكر ثاني ؟
فيتامين k عضلي
بدا من ١٩٦٠ بامريكا روتيني يصير
اكثر مستشفياتنا الحكوميه تنطيه
و بعض المستشفيات الاهليه بدت تنطيه
تاكدي منه
Vitamin k ampule 1 mg IM
😶 فيتامين دي من اول يوم
للاطفال اللي يرضعون طبيعي
او اغلب رضاعتهم طبيعي
الجرعه هي ٤٠٠ وحده دوليه
هذا الفيتامين مو طاريء
يعني عادي يتاخر اول يوم او ٢ مو مشكله
اللي راح يرضع صناعي اسالي طبيبك لان يتم صرفه بعد الفحص
عدد القطرات يختلف حسب الشركه المصنعه
راح اكتب امثله
Diabase drops 10.000 give 2 drops by 1
Devit 2 drops 4 drops by 1
Hi Dee drops 1 drop by 1
Active D drops 4 drops by 1
Pediawell drops 400 IU 1 cc by 1
و اكو بعد و بعد و بعد ما يكفيهم كل البوست
.
😍 الحديد
للاطفال اللي يرضعون طبيعي لما يصير عمره ٤ اشهر
و السبب : حليب الام قليل بيه الحديد و الطفل يحتاجه الان لان الخزين خلص اللي اجه من الولاده
و اذا ما اخذه ؟
يصير عنده فقر دم !
و الجرعه؟
حسب الوزن
يعني ما اكدر اكتبلكم نوعيه مثل فيتامين دي و فيتامين K
لان حسب الوزن
لذلك اسالي طبيبك المعالج
الاطفال اللي يرضعون صناعي ؟
ما يحتاج بس لا تنسين تدخلين اللحم مبكرا بعمر ٥ الى ٦ اشهر لكل الاطفال سواء طبيعي او صناعي
و لا تنسين تقللين الحليب بعد السنه و تركزين على الاكل
لان الحليب بيه كالسيوم و الكالسيوم يعارض امتصاص الحديد
.
.
فيتامين A
هذا سهل و تاخذوه ويه لقاح ال ٩ اشهر بالمركز الصحي
.
.
بقيه الفيتامينات و الشرابات و الاوميكا ثري و الزنك و ما اعرف ايش
ماكو جداول او توصيات عالميه باخذها روتينيا
و اذا الطفل اكله متنوع
ما يحتاج لاي شي عدا الفيتامينات اللي انذكروا ببدايه البوست
اذكر دائما اولادي عدا فيتامين دي ما مستمرين على اي نوع شراب فيتامينات او مشهيات او شي اخر
الفيتامينات الها دواعي معينه يوصفها الك الطبيب عداها اشوف مال محروق لا اكثر و الا لا تزيد ذكاء و لا ابد
د. سيف سمير البياتي
اخصائي طب الاطفال
