شنو المتغير و شنو اللي ثبت بعد 9 اشهر مع كورونا
⭕ المتغير المهم هو تقليل فتره العزل من 14 يوم من بعد اول ظهور للاعراض الى 10 ايام على شرط اختفاء الحراره ليوم كامل في اغلب الحالات الا في حالات نادرة قد يستمر الشخص بالعدوى الى 20 يوم اذا كان يعاني من نقص المناعه
⭕ اللي ما عنده كورونا ممكن ينقل المرض بس بنسبه اقل من اللي عنده اعراض و هذا شي منطقي كون اللي عنده اعراض راح يسعل او يعطس اكثر من اللي ما عنده اعراض
⭕ الاطفال لازالوا يشكلون النسبه الاقل من الاصابات و اغلب اصاباتهم طفيفه الا في بعض الحالات ممكن تكون شديده حسب الدراسة
https://www.nature.com/articles/s41591-020-0962-9
⭕ اللي ما متفق عليه للان هو دور الاطفال في نقل الكورونا فهم صح اقل عرضه للاصابه بالفايروس
بس هل ينقلوه للاخرين مثل الكبار؟
الجواب اختلف بين البحوث
بس المتفق عليه انه عدد الفايروسات بجدار الانف للاطفال اقل من 5 سنوات اكبر باضعاف عن عدد الفايروسات عند الكبار و رغم هذا المرض اخف https://jamanetwork.com/journals/jamapediatrics/fullarticle/2768952
⭕ دور الاطفال بنقل العدوى لا يزال مجهول قسم من الدراسات تكول ينقلون بصوره اقل و قسم اخر يكول ينقلون بصوره متساويه للكبار
ننتظر نهايه الجائحه و نشوف النتيجه
⭕ ننتظر راي وزاره التربيه بخصوص المدارس خصوصا بعد اقتراب موعد بدايه العام الدراسي
هل راح تبدي المدارس او لا ؟
شنو استقرائاتكم؟
د. سيف سمير البياتي اخصائي طب الاطفال
