شنو راح ياخذ ترامب علاج؟
و بعد اصابة دونالد ترامب بفايروس كورونا
يجي السؤال
شنو راح ياخذ الرئيس الامريكي علاج لكورونا؟
خصوصا و ان الرئيس ترامب عمره 74 سنة و يعاني من السمنة
الموضوع اللي يخلي ترامب على نسبه وفاه توصل الى 5% اللي هي 100 ضعف لشخص عمره 30 سنة
هذا العمر و السمنة و منصبه كرئيس راح يخلي اطباؤه امام قرارات صعبه بخصوص علاجه
بامريكا لحد الان العلاج المقر لعلاج حالات كورونا الصعبه هي البلازما و علاج الريمدسفير
فهل راح ينطوه بلازما؟
هل راح ينطوه ريمدسفير ؟
العلاج الاقرب اللي ممكن ينطوه للرئيس هو علاج قبل اسبوع فقط نشرت نتائج عنه
اللي هو اسمه ( كوكتيل الاجسام المناعية)
علاج جديد مستخلص من بلازما الاشخاص اللي انصابوا بكورونا تمت قبل اسبوع فقط نشر نتائج استخدامه وشافوا انه يقلل الحمل الفايروسي و بعده لحد الان ما انطى الترخيص من مركز السيطرة على الامراض الامريكي
على كل علاج كورونا يعتمد على شدة الاصابة فممكن تكون خفيفه و تفض بباريستول و ممكن يحتاج الشخص الى دخول مستشفى
ننتظر قادم الايام و نشوف
التزموا بالوقايه يا اهلنا
د. سيف سمير البياتي اخصائي طب الاطفال
