شهية الاطفال مو ثابته بنفس اليوم
يعني مو يوميه ياكل او يرضع بنفس القدر لليوم السابق
هذه وحده
ثانيا
الرضاعه تقل بحدود الشهر الثالث و الرابع بالكميه ليش ؟
لان معدل النمو يقل
يعني كان يزيد بمعدل ٩٠٠ غرام بالشهر
صار يزيد الطفل بمعدل ٤٥٠ غرام بالشهر
اقربها الك اكثر ؟
لنفرض وزنك 100 شكد تحتاج تاكل حتى تصير 200 ؟
الكثير طبعا
و هذا اللي يصير باول 3 اشهر
الطفل يجي وزنه للولاده 2 كيلو بحدود ال ٣ او ٤ اشهر يصير وزنه ٤
اي يتضاعف
زين نرجعلك انت ال 100 كيلو شكد تاكل حتى تصير 150 ؟
اي عفيه صحيح كومه
بس اقل من قبل
طبعا !!
هذا اللي يصير بعمر ٣ اشهر ٩٠ يوم
يعني من الطبيعي رضاعته تقل و اغفائته تطول و عادي ينام 8 ساعات بلا رضاعه ما عليه شي
.
.
لما يوصل الطفل لعمر السنه يكون مضاعف وزن الولاده ٣ مرات
يعني ابو ٣ كيلوات صار وزنه ٩ او 10
يعني طفلك اكل باول سنه نفس المقدار اللي يخليك توصل من ١٠٠ كيلو الى ٣٠٠ كيلو !!!
عجييب و سبحان الله
طبعا
مو هاي النقطه اللي اريد اضوي عليها
النقطه بعد السنه يبدي يزيد فقط بمعدل كيلو و نص الى كيلوين بالسنه !!!
يعني بمكان ما كان يكبر و يكبر و يكبر ٣ مرات
صار مجرد يحافظ على وزنه
لهذا لا تسالين بعد عمر السنه ليش ما ياكل
لان هذا يسموه فقدان الشهيه الوظيفي
اي قلت شهيته نتيجه قله النمو مقارنه بالسنه الاولى
.
مقطع اخر:
اكل الاطفال اسبوعي
ما يحتاجون للاكل يوميا
تلكاهم يوم ياكلون بكثره
و يوم لا و لا لكمه
من تشوف الوزن تلكاه دا يصعد بوتيره طبيعيه
.
.
شكد يصعد الطفل باول ٣ اشهر باليوم
30 غرام باليوم
و شكد يصعد الطفل بعد السنه الاولى؟
2 غرام باليوم !!!!!
شفتي الفرق لذلك الاكل اللي كان يحتاجه للنمو ما عاد يحتاجه مجرد يريد الاكل حتى يدير وظائفه الحياتيه و يلعب
.
.
اخر مقطع بدعه رضاعه الطفل كل ساعتين بطلوها الله يخليكم كاعد تمغصون الاطفال و تتعبون امعاؤهم و تزيدون عدهم القيء و المشاكل الهضميه
اغمري طفلك بالحب بلا سهر الليل و تكعديه كل ساعتين اريد اشوف لو انت تاكلين اذا احد يكعدك من النوم حتى تاكلين !
و اخر توصيه اهتمي بعقل طفل اكثر بكثير من كرشه و اضمنلك راح ترتاحين اكثر نفسيا و جسديا
الحب مو ملعقه طعام و تركضين وره الطفل لو تكعديه حتى يرضع
الحب مو اسمنه و ازيد وزنه
الحب اهتمام
د. سيف سمير البياتي اخصائي طب الاطفال
from د. سيف سمير البياتي