#شوربة
وصفة اليوم شوربه خضار سريعة ومرنه يعني تكدرين تسويها بالي متوفر عندج ..
المكونات:
بصل
ثوم
جزر🥕
كوسا🥒
قرنابيط🥦
مي لحم او مي دجاج او (لحم دجاج مسلوق مفلس)🍖🍗
بزاليا
بطاطا حلوة
بطاطا عادية🥔
قليل من الكمون
توضع جميع المكونات في جدر 🍲ونضيف شوي مي 🥛ونخليها على النار🔥 من تستوي نشيل البصل ونهرس الباقي .. والف عافية.😋 ☺️
ملاحظة: مثل مكلنا الوصفه مرنه تكدرين تسويها مو اله بكل هاي المكونات حسب المتوفر وتكدرين تضيفين بعد مثلا
شعريه
بروكلي
حبوب الكينوا
عدس مسلوق
حمص مسلوق
شوي تمن ..
بس حاولي تكون متضمنه البصل والثوم لان تزيد المناعة 💪
منشن الأمهات 👩👩👦
تعديل: الوصفه ملائمة لعمر ٨ شهور وفوق.. بالنسبة لفقره نشيل البصل اختياريه بس شفت مرات تبقى مثل خيوط تغصص أو الطعم كلش يطغى.. فبقت خطوه اختياريه 😚
د.اسماء