شون اعالج فقر الدم
السؤال الأكثر ترددا
كون فقر الدم هو المرض الأكثر انتشارا
و بالأخص مع السياسه الخاطئه بالتغذيه و الاعتماد على الحليب بعد عمر السنه
هذه كانت المقدمه
و طبعا الموضوع يشمل الكبار و الصغار
اولا شنو اتجنب ؟
و شنو ياثر على امتصاص الحديد ؟
الجواب هو
الشاي
القهوه
الأغذيه الغنيه بالكالسيوم مثل الحليب و اللبن و الجبن اللي تعارض امتصاص الحديد
و بالمقابل
فإن الاغذيه اللي بيها فيتامين C تساعد على امتصاص الحديد و الاغذيه اللي تجي من اللحم كذلك يكون امتصاص الحديد بيها سهل
بالقائمة تحت مجموعه اغذيه بيها حديد و مثل ما تشوفون مو كلها لحم
لذلك ممكن النباتيين يعوضون الحديد بتناول الخضراوات الورقيه الخضراء اللي بيها حديد
و من المعلومه اولا
يفضل تناول اللحوم مع الخضراوات الغنيه بفيتامين C مثل البرتقال و البطاطا و الطماطه
و لأن ادري تحبون التفاصيل راح اعدد الوجبات الغنيه بالحديد من الأكثر إلى الأقل
و من المصادر النباتيه و الحيوانيه
و رتبتها من الأغنى بالحديد إلى الأقل فالاقل
ممكن قسم منها راح تتفاجئون بيها
🤔 اغذيه غنيه جدا بالحديد:
– لحم الخروف
– كبد الدجاج
– الروبيان
– الحبوب المعلبه المدعمه بالحديد
– الفاصوليا الحمراء
– السمسم و بذور اليقطين
😍 اغذيه غنيه بالحديد
– السردين المعلب
– الدجاج
-الديك الرومي
– التونا المعلبه
– لحم العجل ( البقر)
-الحمص
– الخوخ المجفف
– البطاطا
😎 مصادر أخرى للحديد بس اقل من سابقاتها
البروكولي
البزاليا
السبانغ
المعكرونه
اغلب أنواع الكرزات مثل الكازو و زيت اللوز
الرز الأسمر
تمنياتي الكم بصحه دائمه
د. سيف سمير البياتي
اخصائي طب الأطفال
