شون انطيه ايس كريم مو تسوي بلاعيم!!
لا ما تسوي بلاعيم بس خل ياكل الطفل احسن مما متاذي و راح يصير بيه جفاف !!
.
.
تختلف النصائح و الإرشادات بخصوص الطعام اللي ناكله باثناء المرض هل الأفضل هو البارد او الحار او الصلب او السائل
بالتهاب اللوزتين الحاد و بحالات قرح الفم ( الفراكيس ) و بحالات فايروس الهربس او اي مرض يصير بيه قرح بالفم عليك الإكثار من تناول الأشياء البارده مثل الايس كريم و اللبن البارد و الهدف هو منع الجفاف و حتى الطفل يستمر ياكل
اما في حالات الإنفلونزا و الكورونا و النشله و بقيه الأمراض التنفسيه اللي بيها سيلان أنف او سعال فهنا يجي دور الشاي الخفيف و شوربه الدجاج و الحليب الدافي و العسل و الغرض هو تخفيف الافرازات الانفيه
الايس كريم ابدا ما يسوي التهاب لوزتين
تذكرت اكتب هذه المعلومه و اني دا ادور ايس كريم لبنتي لان عدها التهاب لوزتين حاد و ما حابه تاكل شي من الصبح للان و لأن هذا هو اللي كل مره يصير بالتهاب اللوزتين
ملاحظه : مرضى تحسس القصبات و الربو نبتعد عن أي شي بارد
دمتم بود
د. سيف سمير البياتي اخصائي طب الاطفال
from د. سيف سمير البياتي