صالون حلاقة ميسوري !
و اني اشوف شكو جديد على مركز السيطرة على الامراض الامريكي بخصوص كورونا لكيت هذه القصه عن صالون حلاقة ميسوري
القصه بدت بشهر الخامس
اثنين من الحلاقين صار بيهم كورونا
و راحوا فحصوا
و بما انه الفحص يتاخر لما تطلع النتيجه
كملوا شغلهم كالعاده بالصالون
الصالون هذا صالون يجبر الكل على لبس الكمامه للكل حلاقين و زبائن
و كانوا الكل لابسين كمامات
نرجع للحلاقين الاثنين
الحلاقين ثبتت اصابتهم بكورونا بعد ٨ ايام من بدايه اعراضهم التنفسيه و بالتالي استدعوا 139 شخص تعامل ويه الحلاقين الاثنين
و النتيجه؟
و لا واحد انصاب
مركز السيطرة على الامراض الامريكي نشر القصه و اعتبرها دليل على نجاح الكمامه و سماها للحادثه ( صالون حلاقة ميسوري )
رابط الخبر بالتعليقات
اتمنى هذه القصه تكون درس لكل من يستهان بلبس الكمامه
د. سيف سمير البياتي اخصائي طب الاطفال
