طفلي يستفزني ببكائه !
اي هوايه منهم هيجي
يبجون لاجل الاستفزاز
لان ما انطيته لعبته
لان ما خليته يفكس عيوني
لان ما كسر مناظري
لان لان لان
اول شي خلي اوضحلك شغله و خلينا نتفق عليها
البكاء تصرف غير عادي
يعني غير مقبول و مرفوض
و من غير المقبول تمكين الطفل عليك بالبكاء
خلينا اعرض عليك بعض الحلول
❤ ارفضي بس وفري البديل
مثلا اخذتي موبايلك منه لان خلص وقته و بقى يبجي
كولي روح ارسم
او العب بسيارتك
❤ الطريقه الثانيه
لا تستخدمين صوتك او تضربين الطفل او تستشيطين غضبا
هو هذا اللي يريده اصلا
انسحبي بهدوء و اتركي الغرفه
و علميه ان موضوع بكائه ما راح يفرق وياك
طبعا مع المراقبه لا يؤذي نفسه
❤ لا تقدمين تنازلات
اذا تنازلتي مره راح تفشل كل مره
هذا مشكله الاباء و الامهات اللي ساكنين سكن مشترك
من يزعل الطفل يروح للجد و الجد يرضيه و يسوي مثل ما يريد الطفل
هذه دعوه للاجداد و الجدات متابعي الصفحه بعدم التدخل بين الاطفال و امهاتهم و ابائهم حتى لا يفسد الاطفال و تفسد تربيتهم
❤ رسالتك وصليها بشده و ووضوح
تباوعين عين بعينه و تكوليله خلص وقت الموبايل و انتهى و اسحبي الموبايل
او غير مسموح ابدا اخذ عصير اخر انتهى !
انظري عينك بعينه
الغير مقبول هو الغير مقبول حتى لو التصرف من طفلك
التربيه اعز من الضنا مثل ما يكول المثل
و انتوا ارائكم ؟
د. سيف سمير البياتي اخصائي طب الاطفال
