طفل جميل لطيف عمره سنتين تقريبا
ضحكت بوجهه ما بادلني الابتسامه
حجيت وياه انهزم مني
اريده يتواصل ويايه ما تواصل ويايه
نظره و لو حتى استغراب ماكو
كانما ما يشوفني
بخبره طبيب الاطفال
سالت الاب
هوايه يشوف تلفزيون ؟
دكتور ليش هو يفارك التلفزيون و اذا سديت التلفزيون ياخذ موبايل والدته و ما يحجي ويايه
كملت السؤال و سالته يحجي؟
كال لا و الله دكتور بس يكول بابا و ماما و هم ما يعرف يكولهن
تكدر تكتبله مقويات؟
علاج
كلتله اي طبعا
المقويات هي اترك التلفزيون و الموبايل و شوف الفرق
نذكر بالاساسيات
التلفزيون و التلفون ممنوع تحت عمر سنتين
و بعدها ساعه واحده فقط باليوم و تكون على برنامج بيه محتوى ثقافي عالي مثل افتح يا سمسم
د. سيف سمير البياتي اخصائي طب الاطفال
