طفل عمره ٩ اشهر عنده كحة و رشح بس ايده بيها جبس شكلها مكسورة كانت ومجبسيها الة !
ليش ايد طفلكم مجبسة؟
الجواب: كان بالحجلة و وكع من الدرج وانكسرت ايده !
طفل آخر عمره ٧ اشهر مصاب بحروق بالغة لانه قوري الشاي واكع عليه، شوصله لقوري الشاي؟
الجواب: الحجلة ..
الحجلة يا ناس مصيبة
هواية سولفنا عنها ومحد يقتنع
مو بس تسوي حوادث واصابات للطفل، انما :
١- ما تعلم عالمشي :- وهالشي عكس الي تعتقدوه انتو، الطفل بالحجلة يمشي وهو كاعد وهالشيء مو طبيعي، وين اكو واحد يمشي وهو كاعد حتى يتعلم عالمشي !
٢- يتأخر بالمشي:- لانه الطفل يتحرك بيها بسهولة وينتقل من مكان لمكان مراح يحس نفسه محتاج يطور مهارة المشي عنده.
٣- ممكن تخليه لاحقاً يمشي على اطراف أصابعه.
٤- وضع الطفل قبل عمر ٨ اشهر بالحجلة يسبب ضغط كبير عالعمود الفقري ماله.
جماعة خلينا اطفالنا بالحجلة ومصار بيهم شي الله عليكم لا تنصحون أحد بيها، ترى بكندا الحجلة ممنوعة نهائيا من عام ٢٠٠٤ ، و كل البحوث والدراسات ضد الحجلة
.
.
حساب التوعية على الانستاغرام
https://instagram.com/dr_salmand?igshid=qbd41hnknyb3
د. سلمان داود
مقيم اقدم اطفال
