علب السريلاك
و علب الاكل الجاهز مال الاطفال
مكتوب عليها زائد ٤ و زائد ٦ و زائد ٨
هل ضروري التزم باللي مكتوب ؟
يعني ما انطي الا بعد فلان عمر ؟
لو مو شرط
الجواب جانا من منظمه الصحة البريطانيه عدها كتيب تقيم بيه اغذيه الاطفال التجاريه الموجوده بالاسواق عدهم
⭕ اول ملاحظه يكول بيها ان ثلث المنتجات مكتوب عليها انه مسموحه قبل ٦ اشهر في حين انه ينصح بتاخير هذا الموضوع الى بعد 6 اشهر
شنستفاد من هذه الملاحظه؟
انه العلامه التجاريه اللي مكتوب عليها زائد 4 ناجلها بعد ال 6 اشهر اذا نكدر
تتذكرون بوست السيريلاك ؟
اي افضل تاجيله بعد ٦ اشهر
طيب ليش
حتى يتعلم الطفل على الطعم المعتدل
⭕ ينتقد التقرير العصائر بحيث ان ثلاثه ارباع العصائر مكتوب عليها انه ممكن تنطي قبل سنه
في حين المفروض ان تحت سنه المشروبات المسموحه هي حليب الام و حليب القواطي و الماء فقط فقط فقط
شنستفاد من هذه المعلومه؟
العصير ممنوع تحت عمر سنة
طبعا هذه التوصيه من منظمتين محترمات هي الجمعيه الامريكيه لطب الأطفال و ال NHS و انت مصره انه العصير زين و هو مو زين
⭕ يكمل التقرير فيما يخص العصير و يكول بعد 5 سنين اذا انطيت عصير لازم يكون العصير خفيف جدا بحيث نسبه العصير الطبيعي هي 10 بالميه فقط
في حين اللي باسواقهم 15 بالميه !!!
و الباقي ماء !
ما اعلق على هاي النقطه لان ما اريد اتخيل شنو بعصيرنا غير المي و الشكر
هذا اذا كان شكر طبيعي و مو محليات صناعيه
و الطبيعي اذا ضروري ننطيه مره بالاسبوع و خففووووه لطفا
⭕ يشجع التقرير على تعليم الاطفال الشرب من الكوب الاعتيادي بعمر 6 اشهر حتى لا تتسوس الاسنان
⭕ يشجع التقرير على الفطام من المميه بعمر سنه علمود صحه الفك و الاسنان
⭕ يؤكد على منع السكريات و الاملاح قدر الامكان
د. سيف سمير البياتي اخصائي طب الاطفال
from د. سيف سمير البياتي