عوامل الخطوره للاصابه بفقر الدم
١. الرضاعه الطبيعيه فقط بعد ٤ اشهر دون إعطاء الحديد و دون إعطاء الطعام المدعم بالحديد
٢. سوء الوضع الاقتصادي للعائله( القصد انه تعرفون انه اللحم سعره غالي و مو الكل يتحمل سعره فما تكدر الام تضيفه بطعام الطفل مبكرا بعد ال ٥ إلى ٦ اشهر )
ملاحظه : مو الا لحم كامل لان اكيد ما يعرف يبلعه بس قطع صغيره او المي مالته او بالخلاط
٣. الأطفال اللي يشربون حليب أكثر من ٢٤ رقم بعد عمر السنه
٤. تاريخ طبي لاحد الحالات التاليه :
اخذ ادويه تتعارض مع امتصاص الحديد ( لا تنسون الشاي ممنوع ممنوع ممنوع ممنوع لا مع البسكت و لا غير شي تحت ٥ سنين )
او نزف دموي غزير
او تحديد اكلات معينه فقيره بالحديد
او يكون الطفل مولود ولاده مبكره
فانتبهوا يا امهات و يا اباء
فقر الدم يصيب ١ إلى ٢ بالميه من الأطفال بامريكا
و أكثر منها اكيد عدنا بالعراق
انتبهوا لطعام اولادكم
ما تكدر على شراء اللحم او الدجاج او اكباد الدجاج او طفلك ما يحبه ؟
احرص على تقليل الحليب بعد السنه و التركيز على الحبوب المدعمه بالحديد و لا تنسى أن الخضروات مصدر غني بالحديد
لازمتكم العافيه
د. سيف سمير البياتي اخصائي طب الاطفال
from د. سيف سمير البياتي