فكر مرتين قبل ما تنزل صوره بنتك او ابنك على الفيس بوك او الانستاكرام
احجيلكم قصه قصيره
قبل ببنتي الاولى كنت عادي مثل اي اب فرحان ببنته انزل صورتها كل فتره
يوم من الايام اخذتلها صوره و دا انزلها
كالت بابا راح تنزلها لهاي على الفيسبوك !!!
كلتلها اي بابا
كالت بس اني ما اريد لان طالعه ما حلوه
اني ما احجيلكم شنو الاحساس
طيب معقوله اني فاتني هيجي تفصيل مهم !!
هي فعلا منو يكول كانت تقبل انه تنشر صورتها السابقه و كل صورها اصلا
هذه صورها
حقها
حياتها
بعدها بديت اسالها انه شنو رايك انزل لو لا
و قللت جدا جدا
زين الطب النفسي شنو يكول بهذا الموضوع ؟
الاطباء النفسيين يكولون الاطفال ما مستعدين لموضوع انه تنشر صورهم و فكر اكثر من مره قبل ما تنزل الصورة
و ممكن بكل سهوله تتم سرقة الصور الكترونيا و يخلوها على اساس انه هذا الطفل هو صاحب هذه الصفحه
بس تبقى الشغله الاهم انه هذه الصور حق الطفل الشخصي
يحب ينشرها او ما يحب
و اذا هو ما يحب خلص ما لازم
و اذا بعده صغير احتفظ بالصور لنفسي و للقريبين مني فقط
لذلك فكروا اكثر من مره بصور اولادكم و حتى صوركم
هذه حياتكم
لا تدخلون احد بيها اكثر مما انتوا تريدوه
د. سيف سمير البياتي
اخصائي طب الأطفال
from د. سيف سمير البياتي