في احدى صفحات التسوق الالكتروني (بيج على الفيس بوك)
ناشر دعاية لجهاز لوحي (تاب)
باسعار مغرية والوان جذابة
ومن بين التعليقات امهات كاتبات شكرا حبايبي كلش حبوا الاطفال
و اخرى منزله صورة بنتها الصغيره و هي كاعده تتفرج
عمرها قطعا اقل من سنتين،
و قطعا اقل من 18 سنه
وتتفاخر وتكول شكرا بنتي حبته!!
زين عدا كم شخص من جماعه مو خلينا و ما صار شي يكولون انه اوكي خلي طفل دون ال18 سنه على جهاز لوحي خاص؟؟
ممكن المصدر ؟
جديات ليش هيج؟
يعني اكيد في يوم و انت تقلبين الفيس بوك ، اكيد وكعت عينك بالخطا على منشور طبي، تثقيفي ، فلسفي، ومكتوب بي الطفل ميصير يتتعرض للشاشات؟؟
اكيد الحجه جاهزه
شغل البيت
امي اختي
اذا ما عندك وكت لطفلك و عندك شغل بيت اطلعي من خطيه الطفل و لا تجيبيه
ورب العالمين حيحاسب عليها دنيا واخرة
ونعيد ونكرر:
⭕ممنوع منعا باتا تعريض الطفل للشاشات بعمر دون ال18 شهر
⭕وممنوع تعريض الطفل للشاشات لوقت اكثر من ساعه في اليوم من عمر 3- 5 سنوات
⭕وممنوع منعا باتا يكون للطفل جهاز شخصي (تاب/ موبايل) وهو عمره دون 18 سنة
واذا وكعتوا بوحدة من هاي الاخطاء لسبب او لاخر ،ابدي بالعلاج باسرع وقت والعلاج يتضمن
✳️ايقاف تعريض الطفل للشاشه تماما
✳️كثرة الكلام مع الطفل واشراكه باعمال المنزل
واكو سلسلة كاملة تشرح شلون وليش وشوكت بالتفصيل تحت عنوان
#التلفزيون_والطفل
د.اسماء اسماعيل البدري
