كثر الضرب و جر الشعر و العض و انواع العنف الجسدي اللي يمارسه الاطفال ضد بعضهم و ضد البالغين سواء اهلهم او اجدادهم او ناس اخرين مالهم علاقه !
هذا البوست يناقش هذا الموضوع
كاباء و امهات هذا الموضوع مو فقط محرج و إنما ممكن يدخلنا و يدخل الطفل بمشاكل اذا أذى الاخر
نفوت مباشر للحلول :
❤ تدخل مباشره مع اول علامه للعنف الجسدي و فهمه انه هذا غير مسموح حتى لو ضحكلك الطفل او بادر انه يمزح وياك
❤ راقب رده فعلك انت البالغ مو رده فعله فهنا راح يجي الرد و يعلم الطفل
يعني لا تعلي صوتك
لا تضرب الطفل
من سويتها كأنما انطيته رساله انه استمر بالضرب و حققت الهدف
❤ علم اطفالك ان العنف خطأ
و ان العنف لا يؤدي الى مزيد من العنف
ببساطه امسك يد طفلك الصغير و فهمه انه هذا التصرف خطأ
وصله الرساله بنظره عين
راح يعيدها و يضربك اي
الزمها هالمره اقوى و اطول
و انظر لعينه انه هذا التصرف خطأ
❤علم طفلك يعبر بالكلمات بلا العنف
فهمه شون يستخدم كلمه لا
❤ ابدا لا تعرضه للألعاب العنيفه و المشاهد اللي بيها ضرب
هذا طبعا يشمل انه ما تضربه و لا تعنفه مسبقا مو صحيح؟
❤ اكيد من يهدأ الطفل و تنتهي فوره الغضب احضن طفلك و فهمه كيف ان تصرفه كان خطأ
❤ تذكر دائما أن البيت اللي بيه قوانين هو البيت اللي راح يستمر و ينتج أفراد منضبطين نفسيا لذلك من قانون البيت يكول لا ضرب و لا عنف جسدي تأكد أن الطفل راح يكون مثل ما تحب و ما راح يفشلك في يوم من الايام
❤ العقوبه و الرد على الضرب لازم تكون بوقتها
مثلا سحب الموبايل
او سحب الألعاب
او بعض الألعاب الالكترونيه
او غلق التلفزيون
او الحرمان من مصروف
❤ اقراله قصه
Hands are not for hitting
القصه تغير اسلوب طفلك للأحسن
و ترجمتها هي الأيادي ليست للضرب لكاتبها مارتن اكاسي
راح اخليلكم رابط القصه على اليوتيوب بالتعليقات حتى تقروها لاطفالكم
دمتم بخير
د سيف سمير البياتي اخصائي طب الاطفال
from د. سيف سمير البياتي