كلشي نوفرلهم و ما نكوللهم ابدا لا
و ادوس على نفسي و اتداين و اتقاتل ويه الهوا حتى اجيب فلوس و يعيشون اولادي عيشه سعيده
.
.
منو ما كال هذه الجمل؟
و منو اصلا ما يعمل على تحقيق كل طلبات الاطفال؟
و الهدف: حتى يطلع الطفل عينه شبعانه!
بس هذا ما راح يحقق الهدف ابدا
و الطفل ما راح تكون عينه شبعانة ابدا
الطفل اللي ما ينكاله لا ما راح يكتفي باي شي و يصير صعب الارضاء
فهمهم من عندك فلوس
و فهمهم من الحال ما يساعد
لما الله يفرجها عليك ونسهم و طلعهم و متعهم و كوللهم اني جتني فلوس من فلان شغل
و من يطلب فلان شغله ( سياره مثلا) كوله هذه ما عندي فلوسها
او اسف راح اشتريلك فلان شي و انت محتاج لهذا الشي اكثر
كولوها كدام اي احد
مو عيب و لا حرام
دامك تشتغل بعرق جبينك من شنو تخجل ؟
لا تكوليله ما يرهم و ما اقبل و اني ارفض
فهمهيه ليش ما تشتريه؟
ما عندك فلوس؟
وضعك ما يسمح؟
مكان بالبيت ماكو للعبته ؟
هيجي راح يعرف ان الفلوس الها قيمه و انها يوم موجوده و يوم لا
هيجي تكون عينه شبعانه و راضي باللي عنده
هيجي راح يكون يحس بالفلس و يصير رجال يعرف يتصرف و تصير امراءه تعرف كيف تدبر وضعها !
90 بالميه من طلبات الاطفال لازم ينكاللها لا
و اسمه فيتامين NO
اي فيتامين لا
بالمقابل لا تقتر عليه اذا الله ممكنك بس لا تبالغ
خليه يعرف قيمة الدينار و الالف
خلينا نصنع رجال و نساء لجيل قادم ممكن يعيشون اصعب من حياتنا الحاليه مع قلة النفط و قله الموارد و زياده عددنا
#الطفل_تربية
