لمن تتفاعل بصورة جدا اوفر مع حالة طفلك المرضية وكدامه وتشوفه شون انت خايف عليه ومرعوب وتبجي
هذا القلق والخوف والطاقة السلبية راح يتأثر بيها طفلك
بحيث الطفل لان اهله يقلقون من ترتفع حرارته
بس ترتفع يكوم يصيح
ماما صخنت
ماما الحكيني صخنت
راح يصير بية شيء
راح تصير عندي شمرة
ماما الحكيلي
هاي مو مثال ، هاي حقيقة
من شدة قلق الاهل وتفاعلهم مع حالة طفلهم
الطفل نفس طبعهم من ناحية الخوف والقلق
بحيث ينشرون طاقة سلبية لكل المحيط
الخوف موجود والقلق موجود عند الكل
لكن لازم ننشر الطاقة الإيجابية الي تخلي الكل متفائل بالخير
خصوصاً كدام الاطفال
لا تخليهم يحسون انه حالتهم المرضية خطيرة وتعيشه برعب رغم حالته قد تكون كلش بسيطة
د سلمان داود
مقيم اقدم اطفال
from د. سيف سمير البياتي