لو كل ام وكل اب وكل شخص واعي ومثقف، من يشوف اي شخص اخر يتنمر على شكل الطفل / لون الطفل… الخ
لو كل واحد بيهم يكول للمتنمر ،
لا عيب محلو هيج تحجي هاي خلقة الله
لا عيب هذا طفل محلو تقلد عليه
لا عيب هالكلام الطفل ملاك
لا عيب حرام عليك
لا . ما اسمحلك
لا . البنيه حلوه تخبل / الولد حلو يجنن
#التنمر
لو كل واحد جاوب ومابقى يتختل جوه عبايه العيب الي رجعتنا الف قرن لوره
جان المتنمر استحى على نفسه وبطل هالكلام البايخ
وما ادري منو منطي حصانه لل اشخاص الكبيرين بالعمر ان يكونون قليلي ذووق وعادي انه يقلدون على الرايح والجاي بحجه جبير عيب نرده!
العيب هو التصرفات سواء تصدر من جبير او صغير
العيب من نسكت لخاطر الي ممخلي خاطر للطفل
الجبير بالعمر مفروض يكون اله مكانته بالبيت بحكمته واخلاقة وادبه
مو يكون هو الشخص ذو اللسان السليط
اذا جان هيج فهذا جبير عمر فقط وعقله بعده صغير وعليه الي عقله صغير ينرد ويتجاوب ويكله ابويه / امي / جدي ليش هالكلام مو حرام عليك؟؟
والي يريد يزعل خل يزعل على نفسه لان هو الغلط
والساكت عن الحق شيطان اخرس
د.اسماء اسماعيل البدري
from د. سيف سمير البياتي