ليش قسم من الاطفال يكونون جدا مكسورين او ضعيفي شخصيه ؟ الاسباب هوايه و نلخصها بنقاط اولها المبالغه بالحمايه لا تطلع لا تطب لا تتنفس لا تروح لا ترجع تخليه يخاف يتنفس و بالتالي طفل ضعيف خايف من المواجهه و المواقف 2. شغله بالبيت كاعد و ساكت الام ترتب ملابسه و الام ترتب العابه الام توكله و الام كلشي تسوي بمكانه و النتيجه من يكبر و يتزوج يسال ماما تقبلين اودي مرتي لاهلها لو لا ؟ طفل يكون غير معتمد على نفسه و ما يدبر اموره لوحدها 3. التدليل و هذا فرحانين بيه الاهل انه ابنهم مدلل ما هكذا تورد الابل يا اهلنا تلبيه كل طلبات الاطفال ينتج عنها طفل غير راضي عن اي شي و عن كل شيء معتمد عليك كليا ما راح يقوى و يجيب حقه لان ما معلمته يجيب حقه لان كلشي يجي ليمه 4. التخويف ينتج عنه اكيد طفل جبان خليك اكيد مهيب و الك مقامك بس للمبالغه بتخويف الطفل هسه نصيح الشرطي هسه نكول لابوك هسه يجي الحرامي ياخذك و بالتالي طفل ضعيف الشخصيه يخاف من كل تهديد 5. ابن خالتك احسن منك و الاسلوب الخطا بالمقارنه و بالتالي عمره بنظرك ما راح يكون مثل ابن خالته و عمره ما راح تتعزز الثقه بنفسه 6. اتعسها هي النقطه الاخيره و هي السخريه و الضحك على الطفل مهما كان عمره و بالتالي يتاثر و ينكسر و يشعر بنفسه انه هو مجرد شخص خلق حتى يسخرون منه #التربية_صعبة اعرف و الله دمتم بود د. سيف سمير البياتي اخصائي طب الاطفال

ليش قسم من الاطفال يكونون جدا مكسورين او ضعيفي شخصيه ؟
الاسباب هوايه و نلخصها بنقاط
اولها المبالغه بالحمايه
لا تطلع
لا تطب
لا تتنفس
لا تروح
لا ترجع
تخليه يخاف يتنفس و بالتالي طفل ضعيف خايف من المواجهه و المواقف
2. شغله بالبيت كاعد و ساكت
الام ترتب ملابسه
و الام ترتب العابه
الام توكله
و الام كلشي تسوي بمكانه
و النتيجه من يكبر و يتزوج يسال ماما تقبلين اودي مرتي لاهلها لو لا ؟
طفل يكون غير معتمد على نفسه و ما يدبر اموره لوحدها
3. التدليل
و هذا فرحانين بيه الاهل انه ابنهم مدلل
ما هكذا تورد الابل يا اهلنا
تلبيه كل طلبات الاطفال ينتج عنها طفل غير راضي عن اي شي و عن كل شيء
معتمد عليك كليا
ما راح يقوى و يجيب حقه لان ما معلمته يجيب حقه لان كلشي يجي ليمه
4. التخويف ينتج عنه اكيد طفل جبان
خليك اكيد مهيب و الك مقامك
بس للمبالغه بتخويف الطفل
هسه نصيح الشرطي
هسه نكول لابوك
هسه يجي الحرامي ياخذك
و بالتالي طفل ضعيف الشخصيه يخاف من كل تهديد
5. ابن خالتك احسن منك
و الاسلوب الخطا بالمقارنه
و بالتالي عمره بنظرك ما راح يكون مثل ابن خالته
و عمره ما راح تتعزز الثقه بنفسه
6. اتعسها هي النقطه الاخيره و هي السخريه و الضحك على الطفل مهما كان عمره و بالتالي يتاثر و ينكسر و يشعر بنفسه انه هو مجرد شخص خلق حتى يسخرون منه
#التربية_صعبة
اعرف و الله
دمتم بود
د. سيف سمير البياتي اخصائي طب الاطفال

ليش قسم من الاطفال يكونون جدا مكسورين او ضعيفي شخصيه ؟ الاسباب هوايه و نلخصها بنقاط اولها المبالغه بالحمايه لا تطلع لا تطب لا تتنفس لا تروح لا ترجع تخليه يخاف ي…