مريضة تجي عدها اطفال اثنين وبعمر الابتدائية ومتقبل تسوي طفل لحد ميكبرون بعد 🤓
بس خلي ببالج من يكبرون انت هم تكبرين يعني عمرج رح يعبر ٣٥ !!! اي وشنو يعني بعدني صغيرة دكتورة
لا حبيبتي لا طبيا وانجابيا انت كبيرة اي نعم كبيرة عوفج من انه القدرة الانجابية مالتج رح تقل بشكل كبير يصل لل١٠ بالمية يعني لو يصير لو ميصير😕
عوفج من هذي الشغلة بس ممكن تحطين ببالج انه الي رح تخلفي بعد ٣٥ وبعد٤٠ ممكن يكون مصاب بمتلازمة داون لادكتورة ليش لاسامح الله فال الله ولا فالج😓
اوك احنه هم منريد هيج شي بس حبيبتي الدراسات والبحوث على مدى سنين اثبتت انه الشي الوحيد والاساسي ب تقليل احتمالية حدوث الموضوع هو عمر الام وقت الحمل يعني عمرج فوك ٣٥ احتمالية واحد بال٢٠٠ عمرج فوك ٤٠ احتمالية واحد بالمية وهذي نسب مو قليلة رح تجي ناس تكول بالتعليقات اصلا كرايبي عمرها٢٠ وصار !!! اي حبي هاي طفرات ومشاكل وراثية اني ما اقصدهم بالبوست اقصدج انت من متقبلين تخلفين من انت صغيرة وتجين بعدها تردين او عندج ٤ او ٥ وبعدج تردين وتالي يجيج هيج طفل يبهذلج باخر سنين عمرج
مريض متلازمة داون هو الي ميعرف شنو وضعه هو خلل بعدد الكروموسومات بمكان ٤٦ 🧬الناس العادية هو ٤٧ 🧬
تنتج عنها شكلهم المميز اضافة الى درجات متفاوتة من انخفاض مستوى الذكاء والاستيعاب 🧠هذا كله ميخالف بس المشكلة انه اغلبهم عدهم تشوهات بالقلب🫀 بالامعاء وبالكلية😓.
يبين بالسونار؟ مو دائما اكو علامات تزيد الاحتمالية بس اكو تحاليل من اول شهرين نسويها ورح نعرف تماما بالشهر الرابع من الحمل بس احنه دينيا وشرعا وقانونا ماعدنه خيار انهاء الحمل من يطلع الجنين مصاب
ف اتمنى الي تكدر تعوف الحمل ورا ال٤٠ وعدها اطفال تبطل لان العدد ديزيد جداااا
واني اشجع دوم دوم على الاطفال ابكر وقت بعد الزواج عالاقل طفلين واذا عمليات ترة سنتين كافية عدا حالات معينة احنه نوصيهم
لتخلفين الثاني اذا الاول ممرتبة اموره هي مو بالعدد تره طفل واحد او اثنين مكفيتهم ومربيتهم تربية صحيحة وناطيتهم حقهم من الحب والاهتمام يعوضون الدنيا ومابيها😍😊
صحتكم وسلامتكم تهمنا❤️🙏🏼
د رحاب مجيد شريف
اختصاص نسائية وتوليد
https://www.facebook.com/Dr.Rihabmajeed
from د. سيف سمير البياتي