معلومات بسيطه
🍉السيسي هو نفسه الملي
🍐و الرقم يعادل ٢٨ سيسي و للسهوله نعتبره ٣٠ سيسي
🥕و الكيله مال حليب بيها نوعيتين صغيره و كبيره و اغلب أنواع الحليب هي الكبيره تعادل ٣٠ غرام
الكبيره تكفي رقمين يعني ٦٠ سيسي
🍓الرضاعه عند الحاجه
ماكو شي اسمه كل ساعه او كل ساعتين
كلما يريد طفلك تنطيه
بس الاهم تعرفين ان طفلك جوعان مو ضايج او منزعج او متسخ او او او
🍆 اقري العلبه قبل التحضير
🍑 اياك و اياك تخفيف الحليب او تثخينه لان ممكن يسبب الشمره لنقص الأملاح او سوء التغذيه التزمي بتعليمات اللي مكتوبه على العلبه حتى لو عمره يوم واحد بالاخص لاعمار تحت ٦ اشهر
🌽اختاري اي نوعيه حليب تحبين شرط تكون مدعمه بالحديد و تناسب جيبك و جيب زوجك و الاهم تناسب طفلك
🌶ماكو حليب يناسب كل الأطفال و لا كل طفل يناسبه كل أنواع الحليب و لا أحد يكدر يتوقع ١٠٠ % يا حليب عادي يناسب طفلك
🍎 ماكو شي اسمه تجبريه و ترضعيه فوق طاقته
دامه ينمو زين لا تلحين بالرضاعه
ينام اتركيه عادي
🍍 تشجعي ترمين الحليب المتبقي بعد الرضاعه
🍏اقل عدد مميات مسموح هو ٦ و احسن عدد مميات هو ٨ إلى ١٠ ( اقصد زجاجات الارضاع)
🌽التحويل من رقم ١ إلى ٢ مو الا و مو شرط اذا ما حبه او صار اسهال او صار امساك عليه عادي ارجعي لرقم ١
🍑 التحويل من رقم ١ إلى ٢ من يكمل السادس يعني عمره يعبر ١٨٠ يوم
🕊اذا سويتي القمر الصناعي اللي هو التحويل و عمره اقل من ٦ اشهر و طفلك زين لا اسهال و لا قيء استمري فقط مع تحفظي الكبير على هذا الخطا الكبير
🍒اللون الأخضر للخروج طبيعي طبيعي طبيعي و مو استبراد و الله
🍋 الحليب الطبي من اسمه طبي ما تحوليله الا بوصفه طبيب و ما تحولين منه الا بوصفه طبيب و بعد ما يشوفه طبيب
🍇 النظافه النظافه النظافه
🍓 ماكو احسن من الرضاعه الطبيعيه 😉
د. سيف سمير البياتي اخصائي طب الاطفال
