معلومات عن السعال
💜السعال هو مو مرض حتى تعالجه السعال هو عرض لمرض اخر
💜 السعال تعامل وياه انه هو جيد و يطرد الأجسام الغريبه و الافرازات و الالتهابات بالأخص السعال الخفيف اللي ما يأثر على التنفس و لا على النوم
بعض السعال البسيط جيد
💙 تريد تعالج السعال عالج السبب
❤ أشهر و اكثر سعال شيوعا هو السعال الناتج عن النشله ( السعال و الرشح ) يجي بعدها السعال الناتج عن الالتهاب و يسموه سعال ما بعد الالتهاب او تحسس بعد الالتهاب
بالانكليزي
Post infectious allergy
بعدها راسا يجي السعال الناتج عن التحسس او الربو
💚 تحسس ما بعد الالتهاب قد يستمر ل ٦ أسابيع بعد الالتهاب و أحيانا اكثر
💜 ادويه السعال شهدت طفره بالفتره الاخيره و بالأخص اللي هي مصنوعه من الاعشاب فمنها مصنوع من العسل و قسم اخر مصنوع من الالوفيرا و اخر من الزعتر او من خلطهن
💜 كطبيب افضل هذه الشرابات اكثر من الشرابات اللي توقف السعال مباشره مثل الكولدين و جماعته
💛 اول ما تروح لأي طبيب اجنبي و تسأله بخصوص السعال يجيك الجواب
Cough is good
اي ان السعال جيد
🤍 تتراوح أسباب السعال بين عده أسباب
مثل التهاب القصبات إلى تحسسها و مرورا بالنشله و استنشاق جسم غريب و التهاب الحنجره و التهاب اللوزتين و غيرها من مئات الاسباب
🤎 في حالات الكورونا اذا اصبتوا بيها شفتوا انه الطبيب ماكتب الا البسيط من شرابات السعال لان مو مهم السعال بكد اهميه حمايه الرئه
❤ اي انواع السعال اروح بيها للطواريء؟
1. سعال بصوت غريب يشبه النباح او صوت الديك و بالأخص اذا مصحوب بقيء
2. سعال ليلي فقط
3. سعال بيه دم
4. سعال بيه ضيق تنفس او صوت تزييق wheeze
5. سعال مع حراره اكثر من 38
6. ضيق تنفس بحيث ما تكدر تتكلم ٤ كلمات وحده بعد الاخر
7. سعال اكثر من ٦ أسابيع
8. سعال مع نزول وزن شديد
❤ تذكر دائما جمله الطبيب
Cough is good
السعال جيد
🧡 اكيد هذا لا يعني التراخي و عدم مراجعه الطبيب بس السعال الخفيف البسيط ما يحتاج علاج
د. سيف سمير البياتي اخصائي طب الاطفال
from د. سيف سمير البياتي