من احتاج اغير حليب لطفل اذا كان معتمد على الرضاعه الصناعيه الى حليب طبي
اغيره في اغلب الاحيان الى نفس شركه الحليب الا في حالات معينه فاني اعتمد على بعض الشركات
يعني الطفل ياخذ حليب بقره لاك من اريد انطيه حليب مال ارتجاع انطيه بقره لاك اي ار و من يصير عنده اسهال انطيه بقره لاك ال اف
هذه المقدمه الصغيره
هو حتى لا تظلون تغيرون بشركات الحليب و يوميه شي جديد
و بالاخص اول ٣ اشهر
ثانيا من تشتري حليب اشتري على كد جيبك
يعني اكو حليب سعره ١٠ الاف يخلصه الطفل كل يومين
يعني شهريا ١٥٠ الف !!!
رقم كبير صح ؟
من البدايه اخذ اللي يناسب جيبك و لا تظل تغير
طبعا و من تقررين ترضعين صناعي و تكطعين الطبيعي ادعي ١٠٠٠٠ مره انه ما يطلع الطفل حساس للحليب البقري لان علبه الحليب الوحده ب ١٨ الى ٢٥ الف دينار !!!!
فكري بقدرتك الشرائيه قبل النوعيه
الا اذا طبي
طبعا القدره الشرائيه مهمه و مهمه جدا
اني اكولهم للاهل تره الحليب غالي و يكلف تقريبا كذا
تريد اكتب غير شي ؟
ابدا مو عيب
هذا العيب بس عدنا دائما نكول لا دكتور قابل المن نشتغل و نتعب !!
بالعكس نشتغل و نتعب حتى ندخلهم مدارس زينه حتى نربيهم تربيه زينه
نشتريلهم اشياء زينه
مو حتى نشربهم حليب جاي من بقره زينه !
و بالاخير امهات الرضاعه الطبيعيه حليبك اصلا ما يقدر بثمن استمري و اسف لان البوست ما يخصك
#الطفل_تغير_الحليب
د. سيف سمير البياتي
اخصائي طب الاطفال
