من بعد ما حذرتكم من الخلطات و العصاره الصفره و النستاكورت و الداكتورت و البتنوسام و الدرمودين و الهايدروكورتزون و الخلطات الجاهزه لطفح الحفاظات انه هذه المراهم ما تستخدم الا بوصفه طبيب او ع اقل تقدير لفتره محدوده جدا جدا جدا مو اكثر من ٥ ايام بالزايد احجيلكم عن الوقايه الوقايه خير من العلاج مثل ما تعرفون و حتى لا يصير طفح حفاظات اولا غيري الحفاظه دائما ثانيا تعرفين انه اكثر عمر يصير بيه طفح حفاظات هو عمر ٨ الى ١٠ اشهر و بالتالي اكيد عرفتي ليش ؟ اي نعم بسبب الاكل لذلك انتبهي بعض الاكلات تسوي طفح حفاظات مثل الطماطه و البرتقال و الفراوله و باقي الاكلات الحامضه هنا ما اكول تجنبوها بس من يصير طفح تجنبوها ثالثا غيري الحفاظه باستمرار و بالاخص بعد ما يصير خروج ادري كررت النقطه الاولى بس حتى تغيرين الحفاظه دائما رابعا اذا صار طفح ويه فلان نوعيه حفاظ معناها غيري النوعيه و مو الا اغلى شي يعني احسن شي ممكن طفلك تناسبه حفاظه هي ارخص وحده سعرا خامسا من يصير خروج او ادرار اغسلي المنطقه فقط بالماء و اذا حسيتي بعدها المنطقه مو نظيفه استخدمي اقل صابونه تحسسا سادسا من يصير الطفح استخدمي اي مرهم بيه زنك او اساسه الزنك و انت مطمئنه مثل اللي بالصوره راح انزلهن دعما لانتاجنا المحلي ممكن تستخدمين الفازلين كذلك و كبري مقاس الحفاظه قياس اكبر من الحالي و اتركي الطفل بلا حفاظ قدر الامكان اكو مراهم كثيره جدا امينه جدا مثل السودوكريم و البيانثين و الميدو و الجيكو دايبر راش و دايبر راش و موستلا و اكو بعد بس ما تحضرني اسماؤهن كذلك امينه و مو الا تشترين اغلى شي اصلا زنك مرهم مال شركه سامراء هم رخيص و هم فعال جدا كلهن محتوياتهن الزنك سابعا اذا ماكو استجابه للعصارات الفوك و ما صار زين ثخني الطبقه كانما دا تخلين طبقه كريمه و مو الا تغسليها للطبقه جيدا مع تغيير الحفاظ التالي لان راح يتاذى الجلد اكثر ثامنا اذا ما استجاب خلال ٢٤ ساعه الى ٤٨ ساعه استخدمي هايدروكورتزون مرهم ١% مرتين باليوم اذا ما استجاب خلال ٢٤ الى ٤٨ ساعه خلص استشيري طبيبك تاسعا استشيري طبيبك عاشرا لا تنزلين صوره بكروبات الفيس بوك تره ما ينصحنك بغير النستاكورت و الخبطات و الاشياء اللي كلها اعراض جانبيه اخر نقطه لا تلحين على الطبيب بالمركز الصحي و الصيدلي من يكولك ما يحتاج فلان عصاره لان تره ما يهمه غير مصلحه الطفل لان يكدر يكتبها ببساطه و يفضها و يربح جيبه د. سيف سمير البياتي اخصائي طب الأطفال

من بعد ما حذرتكم من الخلطات و العصاره الصفره و النستاكورت و الداكتورت و البتنوسام و الدرمودين و الهايدروكورتزون
و الخلطات الجاهزه لطفح الحفاظات انه هذه المراهم ما تستخدم الا بوصفه طبيب او ع اقل تقدير لفتره محدوده جدا جدا جدا
مو اكثر من ٥ ايام بالزايد
احجيلكم عن الوقايه
الوقايه خير من العلاج
مثل ما تعرفون
و حتى لا يصير طفح حفاظات
اولا غيري الحفاظه دائما
ثانيا تعرفين انه اكثر عمر يصير بيه طفح حفاظات هو عمر ٨ الى ١٠ اشهر و بالتالي اكيد عرفتي ليش ؟
اي نعم بسبب الاكل لذلك انتبهي بعض الاكلات تسوي طفح حفاظات مثل الطماطه و البرتقال و الفراوله و باقي الاكلات الحامضه
هنا ما اكول تجنبوها بس من يصير طفح تجنبوها
ثالثا غيري الحفاظه باستمرار و بالاخص بعد ما يصير خروج
ادري كررت النقطه الاولى بس حتى تغيرين الحفاظه دائما
رابعا اذا صار طفح ويه فلان نوعيه حفاظ معناها غيري النوعيه و مو الا اغلى شي يعني احسن شي ممكن طفلك تناسبه حفاظه هي ارخص وحده سعرا
خامسا من يصير خروج او ادرار اغسلي المنطقه فقط بالماء و اذا حسيتي بعدها المنطقه مو نظيفه استخدمي اقل صابونه تحسسا
سادسا من يصير الطفح استخدمي اي مرهم بيه زنك او اساسه الزنك و انت مطمئنه مثل اللي بالصوره راح انزلهن دعما لانتاجنا المحلي
ممكن تستخدمين الفازلين كذلك
و كبري مقاس الحفاظه قياس اكبر من الحالي
و اتركي الطفل بلا حفاظ قدر الامكان
اكو مراهم كثيره جدا امينه جدا مثل السودوكريم و البيانثين و الميدو و الجيكو دايبر راش و دايبر راش و موستلا و اكو بعد بس ما تحضرني اسماؤهن
كذلك امينه و مو الا تشترين اغلى شي
اصلا زنك مرهم مال شركه سامراء هم رخيص و هم فعال جدا
كلهن محتوياتهن الزنك
سابعا اذا ماكو استجابه للعصارات الفوك و ما صار زين
ثخني الطبقه كانما دا تخلين طبقه كريمه
و مو الا تغسليها للطبقه جيدا مع تغيير الحفاظ التالي لان راح يتاذى الجلد اكثر
ثامنا اذا ما استجاب خلال ٢٤ ساعه الى ٤٨ ساعه استخدمي
هايدروكورتزون مرهم ١% مرتين باليوم
اذا ما استجاب خلال ٢٤ الى ٤٨ ساعه خلص استشيري طبيبك
تاسعا استشيري طبيبك
عاشرا لا تنزلين صوره بكروبات الفيس بوك تره ما ينصحنك بغير النستاكورت و الخبطات و الاشياء اللي كلها اعراض جانبيه
اخر نقطه لا تلحين على الطبيب بالمركز الصحي و الصيدلي من يكولك ما يحتاج فلان عصاره لان تره ما يهمه غير مصلحه الطفل لان يكدر يكتبها ببساطه و يفضها و يربح جيبه
د. سيف سمير البياتي
اخصائي طب الأطفال

من بعد ما حذرتكم من الخلطات و العصاره الصفره و النستاكورت و الداكتورت و البتنوسام و الدرمودين و الهايدروكورتزون و الخلطات الجاهزه لطفح الحفاظات انه هذه المراهم…