من تقرر تشارك تجربتك الشخصيه فهي مجرد طرح لوجهه نظرك او انعكاس لمشاعرك او طرح افكارك
ربما تعرض تجربه مريت بيه
او تقترح مقترح لطيف
بمنتهى التواضع فهذه يسموها ( مشاركه )
بس من تصير أفكارك و وجهات نظرك نموذج و قدوه نقيس بيها نجاح الاخرين و فشل الاخرين
و تصدر أحكام على قدرات و مهارات و صبر و تحمل الاخرين
فالحقيقه ان هذه مو مشاركه ابدا
و حتى المتلقي ما راح يتلقاها مثل ما ما يتلقه المشاركه
فرق كبير بين إنك تقرر ” تشارك ” تجربتك الشخصية
و بين إنك تتعامل بتجربتك ‘” كمعيار أو مقياس ”
فشويه نراجع نياتنا و نسولف حتى الاخر يتقبلنا
#مو_جنا
#مو_انطينا_وماصار_شي
#مو_ربينا_قابل_شبيكم
د. سيف سمير البياتي اخصائي طب الاطفال
from د. سيف سمير البياتي