موقع استرالي خاص باللقاحات اسمه
NCIRS
راح اخليلكم الرابط مالته بالتعليقات
كاتب بيه عن مشاكل ما بعد اللقاح
1. الطفل ممكن يبجي و يتنحس بعد اللقاح و هذا يستمر يوم او 2 عادي
2. لقاح الروتا ( العجلي الدوار ) ممكن يسبب قيء خفيف او اسهال خفيف قد يستمر لغايه اسبوع و هم عادي
3. الفخذ او الذراع راح تكون حمره او يتالم من تمسكها
4. بعد اللقاح عادي تتكون كتله صغيره و ممكن تستغرق اسابيع و هذا شي طبيعي
5. بعض الاطفال قد تصعد حرارتهم لل 38 درجه
6. بعض الاطفال قد يظهر لهم طفح خصوصا بعد لقاح الحصبه المنفرده او المختلطه
7. الاطفال الكبار قد يشكون من الم الراس او التعب
و يقترح الموقع نفسه الحلول التاليه
1. تكدر تشيل طفلك و تحضنه عادي
2. ممكن تنطيه بروفين او باريستول و تعرفون اني افضل الباريستول اذا ارتفعت الحراره او تشوفه منزعج زايد
لا ننسى انه الباريستول او البروفين مو روتيني و لا واجب الا اذا ترتفع الحراره يلا تنطيه لان اكو احتماليه انه يؤثر علل فعاليه اللقاح
3. ممكن يحتاجون رضعات اكثر
4. ممكن وضع شاش بارد اذا حسيت ان المنطقه حاره او حمره
5. ممكن اعطاء حمام كالعاده 😉 ( NCIRS تكول مو اني )
6. اذا طفلك ارتفعت حرارته لا تغطيه و لا تبالغ بالتغطيه
رابط الموقع بالتعليقات
د. سيف سمير البياتي اخصائي طب الاطفال
