نحجي شويه فطام اليوم و اكيد تعرفون شون مستعد ابنكم للفطام من عمر 4 اشهر الى 6 اشهر ببوست سابق
#فطام
شون ابدي اوكل طفلي؟
تبدين بملعقه صغيره و تمليها للمنتصف او اقل و تحجين ويه طفلك و انت توكليه
طفلك ما راح يعرف شراح يسوي فعادي يذبها او يعقج خشمه
لتسهيل المهمه يفضل ترضعيه شويه سواء طبيعي او صناعي تنطيه الاكل بعدها و تنهين الموضوع انه تنطيه رضعه ثاني
عادي جدا اذا ذبه او صار بيده و ع صدره لا تنزعجين
ابدي بملعقه شاي و زيدي الكميه يوميه شويه شويه
اذا انهزم و ضاج و انزعج ماكو داعي تاكليه ارجعي للرضاعه و عاودي المهمه بعد كم يوم
اعرفي ان الموضوع تدريجي
.
.
.
.
شنو اول اوكل طفلي باول يوم ؟
ماكو قانون بهذا الشي و اي شي صحيح
بس اذا تساليني عن رايي
ابدي بالحبوب المنفرده مثلا الرز و بعدها بفتره الشوفان و بعدها الحنطه
زين الخضراوات لو الفواكه
اني افضل الخضراوات و بعدين الفواكه
و كلنا سابقا ممنوع العصير قبل عمر السنه
.
.
.
.
شوكت اضيف الماده رقم 2 للطعام او الاكله الثانيه ؟
بس يكون مستعد و بده يستمتع بالخطوه الفوك هاهيه استمري للخطوه الثانيه و اللي هي بعد الرز تكدرين تسوين شوربات الخضار و اللحم المقطع المهروس
.
.
.
.
شوكت اكدر انطيه اكل ياكله وحده مثل اصابع البتيته و غيرها؟
من يبدي يكعد وحده و يخلي ايده بحلكه تكدرين تبدين شويه شويه و تاكدي ان الطعام جدا سوفت و ما ممكن يخنكه مثل شرائح الموز او البطاطا المطبوخه جيدا
.
.
.
.
شنو التغييرات اللي اتوقع تصير؟
الخروج يتغير باللون و الكميه و عادي جدا تلكين اجزاء من طعامه بيه لان بعدها امعاؤءه ما ناضجه … اذا صار الخروج سائل اكثر او مليء بالمخاط معناها قللي الاكل الصلب شويه و انت مستعجله و دا تصعدين الكميه اسرع من النمط المعتاد
.
.
.
.
اكدر انطي ابني عصير؟
لا لضمان انه ياخذ كل القيمه الغذائيه
.
.
.
أضيف ملح أو شكر أو بهارات؟
لا
.
.
.
.
.
اكدر انطي لابني مي ويه الاكل ؟
المي ما دامه بس يرضع حليب طبيعي او صناعي اتفقنا انه ماله داعي
بس من تدخلين الاكل اكيد تدخلين المي وياه
.
.
.
اكو شي بعد؟
اي نعم اللعادات الجيده تبدي مبكرا
علميه على مكان الطعام
و علميه انه يكعد و ياكل
و يلزم الخاشوكه مبكرا
و عوديه دائما على اكل البيت
ماكو داعي للاكل الجاهز
و علميه ياكل ويه كل البيت
و لا تنسون المشاركه بكروباتكم
