هاي القصة نشرناها بتاريخ قديم، وللأسف الطفل الي بالقصة ادناه تلقينا خبر وفاته بعد ذلك نتيجة التهابات تنفسية شديدة — الام… وما ادراك ما الام!! اجت إمرأة لعيادة الأمراض المزمنة وياها طفلها المصاب بشلل دماغي هالطفل مخليله صوندة تغذية عن طريق الانف تدخل واصلة للمعدة يدفعوله بيها السوائل لان اذا ينطوه بحلكه يختنك على اعتبار كونه مشلول ميكدر يبلع السوائل بسهولة، أثار فضولي موضوع تبديل هاي الصوندة لانها لازم تتبدل كل أسبوع او عشرة ايام … احنا كأطباء نقيس طول الصوندة اول شي وية جسم الطفل ثم ندخل الصوندة وبعدها ندفع هوا بيها ونخلي سماعة الطبيب عالمعدة علمود نسمع صوت الهوا داخل المعدة ونتأكد انه الصوندة بمكانها الصحيح وهالشي نتدرب عليه يلا نتقن اجراءه بحكم سكن المرأة بمنطقة ريفية وكون اغلب العوائل هاي حالتهم المادية ضعيفة ومو بسهولة يوصلون للطبيب فسألتها وين تبدلين الصوندة؟ كالت (( بالبداية جنت اخذه للعيادات على اي طبيب يشدها ومرات يم اي ممرض و مرات اتورط بناس متعرف زين تشدها بحيث جان يتأذى الطفل لان تطلع من حلكه الصوندة او يختنك او يتصوب خشمه أثناء التشكيل وكذلك اخته وكيحة هواية تسحبها بالبيت فهالشي تعبنا حيل وكلفنا هواية فلوس واحنا حالتنا المادية ضعيفة مرة من المرات سحبتها اخته وكلت اجرب اني أشدها الة قست طولها مثل ما جنت اشوف الأطباء يسوون و دخلت الصوندة شوية شوية وراها اخلي اذني على بطنه وانفخ هوا، اسمع الصوت مال الهوا بالبطن)) ومن ذاك اليوم وهي تبدل الصوندة لطفلها كل اسبوع بالبيت و حتى البلاستر تكول اكو أنواع تسبب احمرار بخده واكو أنواع لا احنا ما نشجع على هيج جرأة واعمال قد تضر الطفل بالخطأ لكن المقصود من القصة هو كفاح هاي الام وتركيزها واهتمامها بطفلها لدرجة انها سوت المستحيل والخطر لخاطر بس ما تترك طفلها بلا تبديل صوندة لانه تبديل الصوندة على ظروفهم يعتبر مستحيل تحية الها ولكل ام مكافحة تتابع حالة طفلها وتهتم بيه وتتعلم لخاطر ما تقصر بمتابعتها الة اكو امهات، ملتهيات بالسكوة والخرافات والاعشاب واكو امهات يتعلمن العلم الصحيح حتى يحافظن على اطفالهن.. ونتمنى من الأمهات ما يسون الي سوته هاي المرأة لخاطر ما يضرن اطفالهن لانه الموضوع خطر لكن نريد منهن يتعلمن شون يهتمن بيه و يتابعن حالته الي عنده طفل مشلول دماغيا، يخلي بباله انه اهتمامه بهالطفل راح ياخذه للجنة ، صح اختبار صعب ومتعب لكن الجزاء عظيم — حساب التوعية على الانستغرام https://instagram.com/dr_salmand?igshid=qbd41hnknyb3 د. سلمان داود مقيم اقدم اطفال

هاي القصة نشرناها بتاريخ قديم، وللأسف الطفل الي بالقصة ادناه تلقينا خبر وفاته بعد ذلك نتيجة التهابات تنفسية شديدة

—

الام… وما ادراك ما الام!!

اجت إمرأة لعيادة الأمراض المزمنة وياها طفلها المصاب بشلل دماغي

هالطفل مخليله صوندة تغذية عن طريق الانف تدخل واصلة للمعدة يدفعوله بيها السوائل لان اذا ينطوه بحلكه يختنك على اعتبار كونه مشلول ميكدر يبلع السوائل بسهولة، أثار فضولي موضوع تبديل هاي الصوندة لانها لازم تتبدل كل أسبوع او عشرة ايام … احنا كأطباء نقيس طول الصوندة اول شي وية جسم الطفل ثم ندخل الصوندة وبعدها ندفع هوا بيها ونخلي سماعة الطبيب عالمعدة علمود نسمع صوت الهوا داخل المعدة ونتأكد انه الصوندة بمكانها الصحيح وهالشي نتدرب عليه يلا نتقن اجراءه

بحكم سكن المرأة بمنطقة ريفية وكون اغلب العوائل هاي حالتهم المادية ضعيفة ومو بسهولة يوصلون للطبيب

فسألتها وين تبدلين الصوندة؟

كالت (( بالبداية جنت اخذه للعيادات على اي طبيب يشدها ومرات يم اي ممرض و مرات اتورط بناس متعرف زين تشدها بحيث جان يتأذى الطفل لان تطلع من حلكه الصوندة او يختنك او يتصوب خشمه أثناء التشكيل وكذلك اخته وكيحة هواية تسحبها بالبيت فهالشي تعبنا حيل وكلفنا هواية فلوس واحنا حالتنا المادية ضعيفة

مرة من المرات سحبتها اخته وكلت اجرب اني أشدها الة

قست طولها مثل ما جنت اشوف الأطباء يسوون و

دخلت الصوندة شوية شوية وراها اخلي اذني على بطنه وانفخ هوا، اسمع الصوت مال الهوا بالبطن))

ومن ذاك اليوم وهي تبدل الصوندة لطفلها كل اسبوع بالبيت و حتى البلاستر تكول اكو أنواع تسبب احمرار بخده واكو أنواع لا

احنا ما نشجع على هيج جرأة واعمال قد تضر الطفل بالخطأ لكن المقصود من القصة هو كفاح هاي الام وتركيزها واهتمامها بطفلها لدرجة انها سوت المستحيل والخطر لخاطر بس ما تترك طفلها بلا تبديل صوندة لانه تبديل الصوندة على ظروفهم يعتبر مستحيل

تحية الها ولكل ام مكافحة تتابع حالة طفلها وتهتم بيه وتتعلم لخاطر ما تقصر بمتابعتها الة

اكو امهات، ملتهيات بالسكوة والخرافات والاعشاب واكو امهات يتعلمن العلم الصحيح حتى يحافظن على اطفالهن.. ونتمنى من الأمهات ما يسون الي سوته هاي المرأة لخاطر ما يضرن اطفالهن لانه الموضوع خطر لكن نريد منهن يتعلمن شون يهتمن بيه و يتابعن حالته

الي عنده طفل مشلول دماغيا، يخلي بباله انه اهتمامه بهالطفل راح ياخذه للجنة ، صح اختبار صعب ومتعب لكن الجزاء عظيم

—

حساب التوعية على الانستغرام

https://instagram.com/dr_salmand?igshid=qbd41hnknyb3

د. سلمان داود

مقيم اقدم اطفال

هاي القصة نشرناها بتاريخ قديم، وللأسف الطفل الي بالقصة ادناه تلقينا خبر وفاته بعد ذلك نتيجة التهابات تنفسية شديدة — الام… وما ادراك ما الام!! اجت إم…