هل التزم بالتعليمات الغذائيه من الشركات؟
يعني من كاتبه الشركه اكثر من ٤ اشهر او اكثر من ٦ اشهر
هل التزم بالمكتوب ؟
منظمه الصحة البريطانيه عدها كتيب تقيم بيه اغذيه الاطفال التجاريه الموجوده بالاسواق عدهم
⭕ اول ملاحظه يكول بيها ان ثلث المنتجات مكتوب عليها انه مسموحه قبل ٦ اشهر في حين انه ينصح بتاخير هذا الموضوع الى بعد 6 اشهر
شنستفاد من هذه الملاحظه؟
انه العلامه التجاريه اللي مكتوب عليها زائد 4 ناجلها بعد ال 6 اشهر اذا نكدر
تتذكرون بوست السيريلاك
اي افضل تاجيله بعد ٦ اشهر
⭕ ينتقد التقرير العصائر بحيث ان ثلاثه ارباع العصائر مكتوب عليها انه ممكن تنطي قبل سنه
في حين المفروض ان تحت سنه المشروبات المسموحه هي حليب الام و حليب القواطي و الماء فقط فقط فقط
شنستفاد من هذه المعلومه؟
العصير ممنوع تحت عمر سنة
⭕ يكمل التقرير فيما يخص العصير و يكول بعد 5 سنين اذا انطيت عصير لازم يكون العصير خفيف جدا بحيث نسبه العصير الطبيعي هي 10 بالميه فقط
في حين اللي باسواقهم 15 بالميه فقط
ما اعلق على هاي النقطه لان ما اريد اتخيل شنو بعصيرنا غير المي و الشكر
و الطبيعي خففووووه لطفا
⭕ يشجع التقرير على تعليم الاطفال الشرب من الكوب الاعتيادي بعمر 6 اشهر حتى لا تتسوس الاسنان
⭕ يشجع التقرير على الفطام من المميه بعمر سنه علمود صحه الفك و الاسنان
⭕ يؤكد على منع السكريات و الاملاح قدر الامكان
د. سيف سمير البياتي اخصائي طب الاطفال
