هل حليب الام دائما ابيض !
الجواب لا
منو كال حليب الام لازم ابيض
اللي بالصورة اسمه
Breast milk colour chart
و يشرح بيه الالوان الطبيعيه للحليب الطبيعي
اي عادي حليبك ابيض
او اخضر
او اصفر
هذا شي طبيعي
تعالوا نشوف شنو الالوان و شوكت نراجع الطبيب
🌻 حليب الام اصفر
و هذا احسن حليب و يكون غني بالاجسام المضاده و ينزل اول ايام بعد الولاده و يسموه الصمغه
و هي اول لقاح لطفلك
🐇 ابيض كريمي
و هذا يجي بعد الحليب الاصفر بعده ايام و يسموه الحليب الانتقالي
🦄 ابيض شفاف و هذا النوع هو الغالب و خفيف يكون و هذا هو السائد
🐦 الحليب الاخضر و يصير لما تتناولين خضراوات بكميات كبيره و يسوي لون خروج طفلك اخضر
💖 وردي و يصير لما تاكلين شوندر مثلا
كل انواع الحليب السابقه طبيعيه و ما تحتاج شي عادي
يبقى نذكر باخر لونين و هن لازم نراجع عليهن
🐂 بني و هنا يصير نتيجه الدم لما يوصل للحليب و هنا نراجع طبيب
🐱اسود او بني غامق و يصير نتيجه تناول الام لنوع معين من الادويه ( غير متوفر في العراق و غير مستخدم )
د. سيف سمير البياتي اخصائي طب الاطفال
from د. سيف سمير البياتي