هل شرب الشاي فعلا يقلل امتصاص الحديد؟
الدراسات تكول انه فعلا الشاي و القهوه و كل المواد اللي بيها كافيين تمنع امتصاص الحديد او تقلل امتصاص الحديد
و السبب هي جزيئات التانين Tanin
هذه الجزيئات هي السبب بلون الشاي الاسود او البني او الأحمر
هذه الجزيئات ترتبط بالحديد و تمنع امتصاصه
طيب لعد الشاي الاخضر امين؟
العلم يكول لا
ماكو فرق اصلا
و الاثنين يمنعون امتصاص الحديد
هو شكد يقلل الشاي يعني صدك نسبه عاليه لو شويه من الحديد ؟
الشاي يمنع امتصاص اغلب الحديد بنسبه كبيره توصل لل ٩٤ %%%
يعني اذا اكلت كباب وحده و شربت وياه شاي ما راح يدخل لجسمك و لا ذره حديد تقريبا !!!
على المستوى الثاني شاي النعناع تقريبا يمنع امتصاص ٨٤% من الحديد
و بعده الكاكاو
اشاعه تكول انه اذا ضفت حليب ما ياثر !!
العلم يكول ما يفرق و يبقى الامتصاص ضعيف
طيب شوكت اشرب الشاي ؟
الجواب : اشربه بعد الوجبه بساعه
و شوكت اشرب القهوه؟
اشربه قبل الوجبه بساعه
لان شافوا انه الشاي ما ياثر اذا اخذ قبل الوجبه بساعه
و انه القهوه تؤثر حتى لو اخذت بعد ساعه من الوجبه لذلك اجلها اكثر
منو يعزز امتصاص الحديد؟
فيتامين سي البطل
جدا يعزز امتصاص الحديد
فيتامين سي موجود بكثره في الفلفل الاخضر و البطاطا و البرتقال
لذلك اذا عندك فقر دم تناول فلفل اخضر مع اللحم
و الف عافيه
د. سيف سمير البياتي
اخصائي طب الاطفال
from د. سيف سمير البياتي