هم فد يوم سالتي ليش ابني الحباب اللي كان ينام الليل بطوله صار ما ينام على غفله؟
صدك هذا هم اله سبب !!
صدك تحجي معقوله !
هو ليش هيجي صار !
خليني اجاوبك لحظه
النوم عند الطفل مو ثابت يشبه الى حد كبير اكل الطفل يوم ياكل يوم ما ياكل
بس وحده من مميزات نوم الطفل
هي هذه الفترات اللي يسموها
Sleep regression
اللي ترجمتها للعربيه اضمحلال النوم او قله النوم
اشهرها بعمر ٤ اشهر تصير
و تصير اخريات بعمر ٦ اشهر
و بعمر ٨ الى ١٠ اشهر
و بعمر سنه
و سنه و نص
و احيانا بعمر سنتين
.
القصه تبدي من طفلك اللي عمره ٣ اشهر الى ٤ اشهر يبدي يقل نومه فجاءه و بدون سابق انذار
تبدي الاغفاءات الصباحيه اللي كان ينامها تقل !
عجيب !
و ليش تصير
اكو مشكله !
ارجع للاعمار اللي تصير بيها اضمحلال النوم !
اضمحلال النوم يبدي من الطفل يتعلم شي جديد
مثلا من يبدي يتقلب بعمر ٤ اشهر
و بعمر سنه مثلا من يبدي يمشي
بعمر ٨ اشهر مثلا من يبدي يكعد وحده
اذن فترات اضمحلال النوم طبيعيه جدا و تعكس حاله الطفل الصحيه جدا
.
.
ملاحظه صغيره الاعمار مو الا تجي بالمضبوط مثلا على ال 5 اشهر مثلا بمكان ال ٤ اشهر و هكذا لان اكيد ماكو طفل يشبه طفل
.
دكتور الله عليك و هذا اضمحلال النوم مدري شاسمه شكد يطول ؟
تاكدي انه ما راح يدوم للابد
راح يستمر من اسبوعين الى ٦ اسابيع و يروح
صدك جذب دكتور و شاسوي لاضمحلال النوم هذا؟
هذا اذا مهتمه بهذا الموضوع تابعي الصفحه اولا باول
@sleep_regression
د. سيف سمير البياتي اخصائي طب الاطفال
