وحده من الأخطاء الشائعة هو ابعاد الطفل عن الاستحمام في حالات الحمى و المرض
طيب ليش ؟
ما هو في حاله الحمى اصلا الاستحمام راح يخفض الحراره و يريحه
و اذا كانت عنده نشله و سعال راح الحمام الدافيء راح يرطب المجاري التنفسيه
و اذا طالت فتره عدم استحمامه للطفل راح الطفل يتعرق و ينزعج و بالتالي يبجي و ما ينام
فعلى شنو ؟
اللي أوصي بيه انه الحمام اصلا جزء من العلاج في حالات الحمى مثلا
الحمام و الكمادات و خافض الحراره يسووها حتى يرتاح الطفل
و اللي أوصي بيه انه من تصير عندك انفلونزا اخذ حمام و شوف الفرق بالتحسن
هو نفس الفرق لطفلك و راح يتحسن بعدها و ينام مرتاح
د. سيف سمير البياتي
اخصائي طب الأطفال
